شامی صدر احمد الشرع نے امریکی صدر ڈونلڈ ٹرمپ اور امریکی عوام کو امریکا کی آزادی کی 250 ویں سالگرہ کے موقع پر مبارکباد دیتے ہوئے باہمی احترام اور تعاون پر مبنی تعلقات استوار کرنے کی خواہش پر زور دیا ہے۔
شامی صدر احمد الشرع کی ٹرمپ کو یوم آزادی پر مبارکباد، تعلقات کو مضبوط بنانے کی دعوت
دمشق۔5جولائی (اے پی پی):شامی صدر احمد الشرع نے امریکی صدر ڈونلڈ ٹرمپ اور امریکی عوام کو امریکا کی آزادی کی 250 ویں سالگرہ کے موقع پر مبارکباد دیتے ہوئے باہمی احترام اور تعاون پر مبنی تعلقات استوار کرنے کی خواہش پر زور دیا ہے۔ العربیہ اردو کے مطابق احمد الشرع نے سوشل میڈیا پلیٹ فارم "ایکس” پر اپنے آفیشل اکاؤنٹ کے ذریعے ایک پوسٹ میں کہا کہ نیا شام باہمی احترام اور نتیجہ خیز تعاون پر مبنی تعلقات استوار کرنے کا خواہاں ہے تاکہ ہمارے دونوں عوام کی امنگوں کی خدمت کرنے والے اور خطے اور دنیا کی سلامتی اور امن میں کردار ادا کرنے والے استحکام اور خوشحالی کو فروغ دیا جا سکے۔رپورٹ کے مطابق یہ تہنیتی پیغام ایک ایسے وقت میں آیا ہے جب شام میں رونما ہونے والی سیاسی تبدیلیوں کے بعد دمشق اور واشنگٹن کے درمیان تعلقات میں بتدریج سفارتی پیشرفت دیکھنے میں آ رہی ہے جس کے تحت دونوں اطراف کے درمیان رابطے کے ذرائع کھولنے اور باہمی دلچسپی کے علاقائی و بین الاقوامی امور پر بحث کرنے کی کوششیں جاری ہیں۔امریکا نے ایک سے زیادہ مواقع پر شام میں استحکام کے حصول کے راستے کی حمایت کی ہے۔ نئی شامی انتظامیہ تعمیرِ نو اور اقتصادی و سیاسی تعاون کو فروغ دینے کی کوششوں کے فریم ورک کے تحت اپنے خارجہ تعلقات کو وسعت دینے اور بین الاقوامی برادری کے لیے اپنے دروازے کھولنے کی کوشش کر رہی ہے۔
