ناروے کے سائیکلسٹ سورن ویرنسکیولڈ نے ٹور ڈی فرانس سائیکل ریس کاگیارہواں مرحلہ جیت لیا

پیرس۔16جولائی (اے پی پی):ناروے کے سائیکلسٹ سورن ویرنسکیولڈ نے ٹور ڈی فرانس سائیکل ریس کا گیارہواں مرحلہ جیت لیا۔ دفاعی چیمپئن تڈیج پوگاآر نے ٹور ڈی فرانس سائیکلنگ ریس کے چھٹے مرحلے میں شاندار فتح حاصل کر کے ریکارڈ پانچویں بار ٹائٹل جیتنے کی جانب بڑا قدم بڑھا دیا تھا اور ریس کے لیڈر کی یلو جرسی پر دوبارہ قبضہ بھی حاصل کر لیاتھا جو تاحال برقرار ہے۔بی بی سی کے مطابق سپین کےشہر بارسلونا سے ٹورڈی فرانس سائیکل ریس کے 113 ویں ایڈیشن کا آغاز ہوچکا ہے، جس میں دنیا بھر کی سائیکلنگ کی 23ٹیموں کے نامور سائیکل سوار ٹائٹل کے حصول کے لئے کوشاں ہیں۔ ٹور ڈی فرانس سائیکل ریس کے11ویں مرحلے میں سائیکل سواروں نے فرانس میں ویشی سے نیورس تک کا 161.3کلو میٹر فاصلہ طے کرنا تھا۔ٹیم یونوایکس موبلٹی کے26 سالہ ناروے کے سائیکلسٹ سورن ویرنسکیولڈ نے عمدہ سائیکلنگ کا مظاہرہ کرتے ہوئے 161.3کلومیٹر کا فاصلہ 3 گھنٹے 10منٹ اور 06 سیکنڈ میں طے کرکے پہلی پوزیشن حاصل کی۔نیدرلینڈز کے 24 سالہ سائیکل سواراولاو کوئج نے دوسری جبکہ 28سالہ بیلجیئم کے سائیکلسٹ جیسپر فلپسن نے تیسری پوزیشن حاصل کی۔ٹیم یواے ای ایمرٹس ایکس آر جی کے 27 سالہ سلوینیا کے سائیکلسٹ تڈیج پوگاآر نے چھٹے مرحلے میں فتح کے ساتھ ہی دوبارہ یلو جرسی پر قبضہ حاصل کرلیا تھا جو تاحال برقرار ہے۔ ٹور ڈی فرانس سائیکل ریس 21 مرحلوں پر محیط ہے جس میں سائیکل سوار 3320.7کلو میٹر کا سفر طے کریں گے ۔ ٹور ڈی فرانس سائیکل ریس میں 23 ٹیمیں ٹائٹل کے حصول کے لئے ایکشن میں ہیں ۔ ٹور ڈی فرانس سائیکل ریس 24 روز جاری رہنے کے بعد 26 جولائی کو اختتام پذیر ہوگی۔ ٹور ڈی فرانس سائیکل ریس میں ٹیم یواے ای ایمرٹس ایکس آر جی کے 27 سالہ سلوینیا کے سائیکلسٹ تڈیج پوگاآر اپنے اعزاز کا دفاع کے لئے کوشاں ہیں ۔ ٹور ڈی فرانس سائیکل ریس کا پہلا ایڈیشن پہلی مرتبہ 1903میں ہوا جو فرانسیسی سائیکل سوار مورس فرانسس گارین نے جیتا تھا۔