خیبر پختونخوا پولیس میں اعلیٰ افسران کے تبادلے اور نئی تعیناتیاں عمل میں لائی گئیں

پشاور۔ 03 اگست (اے پی پی):خیبر پختونخوا پولیس میں اعلیٰ افسران کے تبادلے اور نئی تعیناتیاں عمل میں لائی گئی ہیں۔ آئی جی خیبر پختونخوا کی جانب سے جاری نوٹیفکیشن کے مطابق 8 پولیس افسران کے تبادلے و تعیناتیاں فوری طور پر نافذالعمل ہوں گی۔نوٹیفکیشن کے مطابق خان زیب PSP (BS-18) کو انتظارِ تعیناتی، سی پی او پشاور سے تبدیل کرکے ڈی پی او باجوڑ تعینات کردیا گیا ہے۔محمد اشفاق PSP (BS-18) کو ایس ایس پی انویسٹی گیشن سی ٹی ڈی خیبر پختونخوا سے ڈی پی او اپر جنوبی وزیرستان مقرر کیا گیا ہے۔سید مختیار شاہ PSP (BS-18) کو ڈی پی او تورغر کے عہدے سے ہٹا کر ڈائریکٹر پولیس ٹریننگ سکول شاکس خیبر تعینات کیا گیا ہے۔

اسی طرح شاہ حسن PSP (BS-18) کو ایس پی ٹریفک وارڈن کوہاٹ سے تبدیل کرکے ڈی پی او لوئر جنوبی وزیرستان مقرر کیا گیا ہے۔نوٹیفکیشن کے مطابق محمد خالد PSP (BS-18) کو ڈی پی او باجوڑ کے عہدے سے تبدیل کرکے اے آئی جی لاجسٹکس، سی پی او پشاور تعینات کیا گیا ہے۔ارشد خان PSP (BS-18) کو ڈی پی او اپر جنوبی وزیرستان سے تبدیل کرکے ڈی پی او تورغر مقرر کیا گیا ہے۔محمد طاہر شاہ PSP (BS-18) کو ڈی پی او لوئر جنوبی وزیرستان کے عہدے سے تبدیل کرکے ایس پی انویسٹی گیشن بنوں تعینات کردیا گیا ہےجبکہ ساجد ممتاز DSP (BS-17) کو ایس پی انویسٹی گیشن بنوں سے تبدیل کرکے ایس پی ہیڈکوارٹرز مردان تعینات کیا گیا ہے، جہاں وہ اپنی موجودہ تنخواہ اور سکیل میں فرائض انجام دیں گے۔