سپریم کورٹ لاہور رجسٹری کی گزشتہ ہفتے کی کارکردگی رپورٹ جاری،4روز میں 305مقدمات نمٹا ئے

لاہور۔15اگست (اے پی پی):سپریم کورٹ لاہور رجسٹری میں گزشتہ ہفتے کی کارکردگی رپورٹ جاری کر دی گئی۔

رپورٹ کے مطابق جسٹس محمد ہاشم خان کاکڑ کی سربراہی میں 3رکنی بنچ نے 10 اگست سے 13 اگست تک 4روز میں 305مقدمات نمٹا دیئے جبکہ اس دوران مجموعی طور پر 412 مقدمات سماعت کے لیے مقرر ہوئے۔رپورٹ کے مطابق ریگولر بنچ نے 305 مقدمات نمٹائے، جن میں 268 درخواستیں مسترد،18 منظور جبکہ 3 درخواستیں نمٹا دی گئیں۔رپورٹ کے مطابق چار روز کے دوران 305مقدمات نمٹانا لاہور رجسٹری کی نمایاں عدالتی کارکردگی قراردیا جا رہا ہے۔