ڈی پی اوبھکر شہزاد رفیق اعوان کے احکامات پر بھکر پولیس نے گندم کی غیر قانونی ترسیل کے خلاف کارروائی کرتے ہوئے 300 گٹو گندم سے لدی ٹریکٹر ٹرالی قبضہ میں لے لی
بھکر پولیس کا گندم اسمگلنگ کے خلاف بڑا کریک ڈاؤن، 300 گٹو سے لدی ٹریکٹر ٹرالی قبضہ میں لے لی
مزید خبریں
بھکر۔ 20 اگست (اے پی پی):ڈی پی اوبھکر شہزاد رفیق اعوان کے احکامات پر بھکر پولیس نے گندم کی غیر قانونی ترسیل کے خلاف کارروائی کرتے ہوئے 300 گٹو گندم سے لدی ٹریکٹر ٹرالی قبضہ میں لے لی۔
انچارج ریورائن چیک پوسٹ بھرمی نواب سب انسپکٹر ڈاکٹر محمد اکرام معہ پولیس ٹیم نے کارروائی کرتے ہوئے گندم سے لوڈ ٹریکٹر ٹرالی کو روک کر پولیس تحویل میں لے لیا، جو غیر قانونی طور پر صوبہ پنجاب سے صوبہ خیبر پختونخوا منتقل کی جا رہی تھی۔
پولیس نے قانونی کارروائی مکمل کرنے کے بعد برآمد شدہ گندم فوڈ ڈیپارٹمنٹ کے حوالے کر دی بھکر پولیس کی گندم کی غیر قانونی ترسیل اور اسمگلنگ کے خلاف زیرو ٹالرنس پالیسی جاری ہے۔
