نیپال میں مسلسل بارشوں سے 21 افراد ہلاک، 5 لاپتہ

کھٹمنڈو۔28ستمبر (اے پی پی):نیپال میں جمعرات سے جاری مسلسل بارشوں کے باعث سیلاب اور لینڈ سلائیڈنگ کے نتیجے میں 21 افراد ہلاک اور 5 لاپتا ہوگئے۔شنہوا کے مطابق وزیر اعظم بالیندر شاہ نےبتایا کہ حادثات میں 5 افراد زخمی بھی ہوئے جنہیں طبی امداد دی جارہی ہے۔نیشنل ڈیزاسٹر رسک ریڈکشن اینڈ مینجمنٹ اتھارٹی کے مطابق اتوار کی شام تک 747 خاندان متاثر ہوئے، 143 مکانات مکمل طور پر تباہ اور 51 کو جزوی نقصان پہنچا۔

وزیر اعظم نے کہا کہ خراب موسم کے باعث ملک کے مختلف علاقوں میں آمدورفت متاثر ہوئی اور سیلاب و لینڈ سلائیڈنگ کے باعث ایک درجن سے زائد سڑکیں متاثر ہوئی ہیں۔انہوں نے بتایا کہ سیلاب سے قومی ترسیلی نظام کے ذریعے ایک ہزار 13.2 میگاواٹ بجلی کی فراہمی بھی متاثر ہوئی جبکہ ٹرانسمیشن ٹاورز گرنے کے باعث مجموعی طور پر 318 میگاواٹ صلاحیت کے پن بجلی منصوبے بند کردیے گئے ہیں۔وزیر اعظم بالیندر شاہ نے خبردار کیا ہے کہ خطرہ ابھی ٹلا نہیں ۔