ریٹائرمنٹ کا فیصلہ حتمی، انٹرنیشنل کرکٹ میں واپسی کا کوئی ارادہ نہیں، پی ایس ایل کا فائنل ہوم کراﺅڈ کے سامنے کھیلنے کی خواہش ہے، شاہد آفریدی

دبئی۔ یکم مارچ (اے پی پی) پاکستانی ٹیم کے سابق سٹار آل راﺅنڈر شاہد خان آفریدی نے انٹرنیشنل کرکٹ میں واپسی کی قیاس آرائیوں کو مسترد کرتے ہوئے کہا ہے کہ ریٹائرمنٹ کا فیصلہ حتمی ہے اور میں ٹی ٹونٹی لیگز کھیل کر لطف اندوز ہو رہا ہوں، پاکستان سپر لیگ کا فائنل ہوم کراﺅڈ کے سامنے کھیلنے کی خواہش ہے اسلئے کوشش ہو گی کہ اپنی پرفارمنس سے کراچی کنگز کو فائنل میں پہنچاﺅں۔ اپنے ایک انٹرویو میں انہوں نے کہا کہ انٹرنیشنل کرکٹ سے ریٹائرمنٹ کے باوجود میرے مداح اب بھی میری کارکردگی سے لطف اندوز ہوتے ہیں اور ان کا یہی پیار دیکھ کر میں نے کھیل کو جاری رکھا ہوا ہے اس سے بڑھ کر میرے لئے اور کچھ نہیں، جب تک مکمل فٹ ہوں ٹی ٹونٹی لیگز کھیلتا رہوں گا اور یہ میری فاﺅنڈیشن کیلئے بھی بہت اہم ہے۔

Short Link: https://urdu.app.com.pk/urdu/?p=91256