اسلام آباد ۔ 20 مارچ (اے پی پی) سابق وزیراعظم محمد نواز شریف کی صاحبزادی مریم نواز نے کہا ہے کہ ہم سے پوچھتے ہیں کہ اثاثے کیسے بنائے،جنہوں نے کرپشن کا الزام لگایا ہے وہ ثابت کریں، پہلے 6ماہ میںکیا ثابت ہوا جو اب نئی چیزیں مل گئیں، پہلے 6 ماہ میں کون سی چیز ثابت ہوئی جو ڈیڑھ ماہ میں ثابت ہو جائے گی۔ منگل کواحتساب عدالت میں پیشی کے موقع پر ذرائع ابلاغ سے گفتگو کرتے ہوئے مریم نواز نے کہا کہ اس کیس میں جتنی دستاویزات پیش ہوئیں وہ ہم نے خود فراہم کیں، کیس میں کوئی جان نہیں ، پہلے کہا گیا کہ فلیٹ میرے ہیں پھر وہی ملکیت میرے والدمحمد نواز شریف پر ڈال دی۔
