اسلام آباد۔13اکتوبر (اے پی پی): چیئر مین سینیٹ محمد صادق سنجرانی نے نیشنل ہائی وے اتھارٹی اور ہائیر ایجوکیشن کمیشن کے حکام کو ہدایت کی کہ ہے کہ بلوچستان کے علاقے چاغی میں جاری مواصلات اور تعلیم سے متعلق ترقیاتی منصوبے جلد مکمل کئے جائے۔ سینیٹ سیکرٹریٹ کے مطابق یہ ہدایات انہوں نے ایچ ای سی اور این ایچ اے کے حکام سے گفتگو کرتے ہوئے کیں جنہوں نے منگل کو یہاں ان سے ملاقات کی۔ ملاقات میں حکام نے چیئرمین سی کو چاغی میں جاری منصوبوں سے متعلق پیش رفت کے بارے میں تفصیل سے آگاہ کیا۔ چیئرمین سینیٹ کوچاغی میں نئی سڑکوں کی تعمیر اور عمرخان سنجرانی منرل یونیورسٹی نوکنڈی کے قیام کے حوالے سے بھی بریفنگ دی۔ ایچ ای سی کے حکام نے کہاکہ منرل یونیورسٹی کی عمارت اور ڈیزائن سے متعلق ٹینڈر رواں ماہ کے آخر تک جاری کر دیا جائے گا۔ ٹینڈر کے ایوارڈ کے تین ماہ کے اندر ڈیزائن کی تکمیل یقینی بنائی جائے گی۔ این ایچ ا ے کے حکام نے کہا کہ نوکنڈی سے ماشکیل اور دالبند ین سے زیارت بلا نوش کی سڑکوں کی تعمیر کے ٹینڈر آئندہ ہفتے جاری کر دیئے جائیں گے۔ ٹینڈرنگ کا عمل مکمل ہوتے ہی کام کا آغا ز کر دیا جائے گا۔ چیئرمین سینیٹ نے ہدایت کی کہ مواصلات کے منصوبوں کی تکمیل کے دوران معیار کو یقینی بنایا جائے۔
