کوالالمپور۔18اپریل (اے پی پی):ملائیشیا نے8فلپائنی سی فیریزکو ملائیشیا کے امیگریشن قوانین اور ضوابط کی مبینہ خلاف ورزیوں پر حراست میں لے لیا ہے۔شنہوا کے مطابق فلپائن کے تارکین وطن ورکرز ( ڈی ایم ڈبلیو )کے سیکرٹری ہنس کیڈاک نے کہا کہ عملے کے ارکان کو جنوبی ملائیشیا کی ریاست جوہر کے قصبے کوٹا ٹنگگی کے ایک پولیس سٹیشن میں حراست میں لیا گیا ہے۔
انہوں نے کہا کہ ملائیشیا میں ہمارے لیبر اتاشی اور ڈی ایم ڈبلیو کے وکیل نے جیل کا دورہ کیا اور حراست میں لئے گئے8افراد کے تفتیشی افسر کے سامنے دفاع کیا۔ ہنس کیڈاک نے کہا کہ ہمیں مطلع کیا گیا ہے کہ تحقیقات کے نتائج جلد سامنے آئیں گے۔ انہوں نے کہا کہ ان کا محکمہ جہاز کے مالک سے تفتیش کرے گا تاکہ ان حالات کا تعین کیا جا سکے جن کی وجہ سے ان افراد کو حراست میں لیا گیا ہے۔
Short Link: https://urdu.app.com.pk/urdu/?p=583906
