بچوں کے خلاف انسانی حقوق کی سنگین خلاف ورزیاں،اقوام متحدہ نے اسرائیل کو مسلسل دوسرے سال بھی اپنی "بلیک لسٹ” میں شامل کر لیا

نیویارک ۔20جون (اے پی پی):بچوں کے خلاف انسانی حقوق کی سنگین خلاف ورزیاں کرنے پر اقوام متحدہ نے اسرائیل کو مسلسل دوسرے سال بھی اپنی "بلیک لسٹ” میں شامل کر لیا۔ اسرائیل کی طرف سے غزہ میں فلسطینیوں کی نسل کشی سمیت بچوں کے خلاف انسانی حقوق کی سنگین خلاف ورزیاں 20 ماہ سے جاری ہیں۔اقوام متحدہ نےاسرائیل کو لگاتار دوسرے سال بلیک لسٹ میں شامل رکھا ہے۔

اقوام متحدہ کی رپورٹ کے مطابق فلسطینی علاقوں میں بچوں کے حقوق کی خلاف ورزیاں سب سے زیادہ ہوئیں، اسرائیلی افواج نے غزہ میں ہر اس جگہ کو نشانہ بنایا جہاں بچے موجود تھے۔رپورٹ میں غزہ میں 1259فلسطینی بچوں کی شہادت کی تصدیق کی گئی جبکہ فلسطینی حکام کے مطابق شہید ہونےوالوں کی تعداد چار ہزار چار سو ستر ہے۔رپورٹ کے مطابق لبنان میں بھی اسرائیلی فوجی کارروائیوں میں پانچ سو سے زائد بچے شہید یا زخمی ہوئے۔