اسلام آباد۔9جون (اے پی پی):وفاقی سیکریٹری اطلاعات عنبرین جان اور پرنسپل انفارمیشن آفیسر مبشر حسن نے سینئر اینکر پرسن فریحہ ادریس کی والدہ کے انتقال پر گہرے دکھ اور افسوس کا اظہار کیا ہے۔
پیر کو اپنے تعزیتی بیان میں وفاقی سیکریٹری اطلاعات عنبرین جان اور پی آئی او مبشر حسن نے فریحہ ادریس اور اہل خانہ سے دلی تعزیت و ہمدردی کا اظہار کیا اور کہا کہ فریحہ ادریس کی والدہ کے انتقال کی خبر سن کر دلی افسوس ہوا، ماں کی جدائی زندگی کا سب سے بڑا صدمہ ہے۔
اہلِ خانہ کے غم میں برابر کے شریک ہیں۔وفاقی سیکریٹری اطلاعات عنبرین جان اور پی آئی او مبشر حسن نے مرحومہ کے درجات کی بلندی اور لواحقین کیلئے صبر جمیل کی دعا کی۔
