لاہور۔3ستمبر (اے پی پی):سیکرٹری صحت پنجاب علی جان خان کا کہنا ہے کہ گزشتہ 24 گھنٹوں کے دوران پنجاب بھر میں 70 نئے مریضوں میں ڈینگی وائرس کی تصدیق ہوئی ہے۔ اتوار کو جاری رپورٹ میں انہوں نے بتایا کہ رواں سال پنجاب کے 36اضلاع میں ڈینگی کے 1415 کنفرم مریض رپورٹ ہوئے۔
اس دوران لاہور میں سب سے زیادہ ڈینگی کے 542 کنفرم مریض رپورٹ ہوئے۔ جبکہ24 گھنٹوں کے دوران36 نئے مریض سامنے آئے،راولپنڈی میں ڈینگی کے کل 260 مریض رپورٹ ہوئے، جبکہ گزشتہ24گھنٹوں کے دوران17 نئے مریضوں میں ڈینگی وائرس کی تصدیق ہوئی۔ ملتان میں ڈینگی کے کل 164 مریض رپورٹ ہوئے،جبکہ24گھنٹوں کے دوران ڈینگی کے 2 نئے مریض سامنے آئے۔
فیصل آباد میں ڈینگی کے کل 109 مریض رپورٹ ہوئے،جبکہ 24گھنٹوں کے دوران 5 نئے ڈینگی کے مریضوں کی تصدیق ہوئی۔ گوجرانوالہ میں ڈینگی کے کل 51 مریض رپورٹ ہوئے، جبکہ24گھنٹوں کے دوران 4 نئے ڈینگی مریضوں کی تصدیق ہوئی۔ گزشتہ روز شیخوپورہ اور گجرات میں ڈینگی کے دو دو جبکہ مظفرگڑھ اور سرگودھا میں ڈینگی کا ایک ایک نیا مریض سامنے آیا۔
علی جان خان نے مزید بتایا کہ پنجاب بھر کے ہسپتالوں میں اس وقت ڈینگی کے کل 77 مریض زیر علاج ہیں جن کی حالت تسلی بخش ہے، ضلع لاہور کے ہسپتالوں میں اس وقت ڈینگی کے کل 31 مریض زیر علاج ہیں، پنجاب کے سرکاری ہسپتالوں میں ڈینگی مریضوں کے لئے 2678 بیڈ مختص کئے گئے ہیں، جن میں سے 71 بیڈز زیر استعمال ہیں۔ انہوں نے ہدایت کی کہ ڈینگی سے بچائو کے لئے شہری اپنے ماحول کو صاف اور خشک رکھیں اور ڈینگی کی روک تھام کے لئے محکمہ صحت کی ٹیموں کے ساتھ مکمل تعاون کریں۔
Short Link: https://urdu.app.com.pk/urdu/?p=385826
