آئی ٹی ایف ماسٹرز ٹینس، راشد ملک اور خرم امتیاز کوارٹر فائنل، وقار نثار سیمی فائنل میں پہنچ گئے

تھائی لینڈ کے شہر پٹایا میں جاری آئی ٹی ایف ماسٹرز ایم ٹی 700 ٹینس ٹورنامنٹ میں پاکستان کے سینئر کھلاڑیوں نے شاندار کارکردگی کا تسلسل برقرار رکھتے ہوئے ڈبلز مقابلوں کے اگلے مرحلے میں جگہ بنا لی ہے۔

لاہور۔16نومبر (اے پی پی):تھائی لینڈ کے شہر پٹایا میں جاری آئی ٹی ایف ماسٹرز ایم ٹی 700 ٹینس ٹورنامنٹ میں پاکستان کے سینئر کھلاڑیوں نے شاندار کارکردگی کا تسلسل برقرار رکھتے ہوئے ڈبلز مقابلوں کے اگلے مرحلے میں جگہ بنا لی ہے۔ رشید احمد ملک اور خرم امتیاز مینز 55 پلس ڈبلز کے کوارٹر فائنل جبکہ وقار نثار مینز 70 پلس ڈبلز کے سیمی فائنل میں پہنچ گئے ہیں۔مینز 55 پلس ڈبلز میں پاکستان کے رشید احمد ملک اور ان کے جرمن جوڑی دار ایکسل ہیمپے نے سخت مقابلے کے بعد روس کے یوری کوڈینوف اور تھائی لینڈ کے پاتراوت سانگچاروئن کو 7-5 اور 6-2 سے شکست دی۔

اسی کیٹیگری کے ایک اور میچ میں پاکستان کے خرم امتیاز اور امریکا کے مونٹی رائے نے بھارت کے رجنیش چندنا اور چین کے ہوئی ہی کو یکطرفہ مقابلے کے بعد 6-0 اور 6-0 سے آٹ کلاس کر کے کوارٹر فائنل میں رسائی حاصل کی۔دوسری جانب مینز 70 پلس ڈبلز میں پاکستان کے وقار نثار اور ہانگ کانگ کے ہون لم یوئے نے امریکا کے ڈیو گریسکوم اور مارک ہبسکمین کو اسٹریٹ سیٹس میں 6-3 اور 7-5 سے زیر کر کے سیمی فائنل کا ٹکٹ کٹا لیا۔

پاکستانی دستے نے بین الاقوامی ایونٹ میں شرکت کو ممکن بنانے پر بینک آف پنجاب، لاہور جمخانہ کلب، جے ڈی ڈبلیو گروپ، گیٹوریڈ اور جمال پولیمرز کی اسپانسرشپ اور تعاون پر شکریہ ادا کیا ہے۔

 

مزید خبریں
زرعی یونیورسٹی فیصل آباد
زرعی یونیورسٹی فیصل آباد نے پنجاب انوویشن اینڈ ٹیکنالوجی ایکسپو 2026ء میں 6 پوزیشنیں حاصل کرکے تمام جامعات کو پیچھے چھوڑ دیا فیصل آباد ۔ 16 نومبر (اے پی پی):زرعی یونیورسٹی فیصل آباد نےپنجاب ہائر ایجوکیشن کمیشن کے زیر اہتمام منعقدہ ہونہار پنجاب انوویشن اینڈ ٹیکنالوجی ایکسپو 2026ء میں مختلف اختراعی منصوبوں کی کیٹیگریز میں 6 پوزیشنیں حاصل کر لی ہیں۔ مقابلے میں 80 جامعات نے شرکت کی جبکہ 350 منصوبوں کو شارٹ لسٹ کیا گیا۔ زرعی یونیورسٹی فیصل آباد نے تمام جامعات میں سب سے زیادہ پوزیشنیں حاصل کرنے کا اعزاز حاصل کیا۔ پنجاب ہائرایجوکیشن کمیشن کے چیئرپرسن ڈاکٹر اقرار احمد خان نے وائس چانسلر زرعی یونیورسٹی فیصل آباد پروفیسر ڈاکٹر ذوالفقار علی کے ہمراہ کامیاب فیکلٹی ممبران میں انعامات تقسیم کیے۔ تفصیلات کے مطابق پروفیسر ڈاکٹر عمران پاشا کی سربراہی میں تیار کردہ منصوبے ”یمکن فوڈز“ نے پہلی پوزیشن حاصل کی۔ اسی طرح پروفیسر ڈاکٹر ظہیر احمد کی قیادت میں پیش کیے گئے منصوبے ”فوڈ سکیورٹی کے فروغ، غذائی قلت کے خاتمے، پیداواری صلاحیت میں اضافے، پائیداری کے استحکام اور غذائی نظام میں تبدیلی کے لیے موسمیاتی تبدیلیوں کے خلاف مزاحمت رکھنے والی سویا بین کی اقسام کا فروغ“ نے بھی پہلی پوزیشن حاصل کی۔ ڈاکٹر رضیہ ندیم کی سربراہی میں تیار کردہ منصوبے ”صنعتی فضلے سے بھاری دھاتوں کے خاتمے کے لیے ضائع شدہ مواد سے ماحول دوست جاذب ٹیکنالوجی کی تیاری“ نے دوسری پوزیشن حاصل کی جبکہ ڈاکٹر شہباز ناصر خان کی قیادت میں پیش کیے گئے منصوبے ”بائیو ہوم انرجی: صاف ستھری کھانا پکانے کی توانائی کے لیے ایک ہزار لیٹر کے گھریلو بائیو گیس پلانٹس کی تنصیب“ نے تیسری پوزیشن حاصل کی۔ مزید برآں ڈاکٹر صدف شکور کے منصوبے ”ایکو تھرائیو لیب“ اور ڈاکٹر شہباز ناصر خان کی سربراہی میں تیار کردہ منصوبے ”ای ایف تھری ایف: نامیاتی فضلے کو ایندھن، جانوروں کی خوراک اور کھاد میں تبدیل کرنے کا مربوط نظام“ نے پانچویں پوزیشن حاصل کی۔ وائس چانسلر پروفیسر ڈاکٹر ذوالفقار علی نے نمائش کا دورہ کیا اور طلبہ کی اختراعی صلاحیتوں اور تخلیقی منصوبوں کو سراہا۔ ایکسپو میں زرعی یونیورسٹی فیصل آباد کے منصوبوں کی شرکت اور رابطہ کاری کے امور بزنس انکیوبیشن سینٹر نے انجام دیے۔ اس کامیاب نمائندگی میں رجسٹرار پروفیسر ڈاکٹر ساجد سہیل، ڈائریکٹر بی آئی سی ڈاکٹر اظہر علی، ڈپٹی ڈائریکٹرز ڈاکٹر شہباز ناصر خان اور ڈاکٹر روبینہ رشید سمیت طلبہ نے اہم کردار ادا کیا۔