آزاد جموں وکشمیر میں کالعدم ایکشن کمیٹی کی احتجاجی کال مسترد،حالات معمول کےمطابق رواں دواں

اسلام آباد۔14جون (اے پی پی):آزاد جموں وکشمیر میں کالعدم ایکشن کمیٹی کی احتجاجی کال مسترد کر دی گئی ہے اور حالات معمول کےمطابق رواں دواں ہیں۔ آزاد جموں و کشمیرمیں امن وامان کی صورتحال خراب کرنےوالے شرپسندوں کےناپاک عزائم خاک میں مل گئے۔

بھمبر، مظفرآباد،کوٹلی، میر پور،نیلم سمیت آزاد جموں و کشمیر کے دیگراضلاع میں معمولات زندگی رواں دواں ہیں۔آزاد جموں و کشمیر کے تمام اضلاع میں کاروباری مراکز اور بازار معمول کےمطابق کھلے ہیں۔

آزاد جموں و کشمیر کےتمام اضلاع میں ٹریفک کی آمد ورفت بھی جاری ہے اورشہری روزمرہ کے کاموں میں مصروف ہیں۔آزاد جموں و کشمیر کےغیورعوام نے انتشاری کالعدم ایکشن کمیٹی کی احتجاج کی کال کومکمل طور پر مسترد دیا ہے۔آزاد جموں و کشمیرکےعوام نے پرامن اور باشعور شہری ہونے کا عملی ثبوت دیا ۔