اسلام آباد ۔23اکتوبر (اے پی پی) آڈیٹر جنرل آف پاکستان کے پالیسی بورڈ کا اجلاس منگل کو یہاں ہوا جس کا مقصد حکومتی فرائض کی ادائیگی میں شفافیت ، احتساب اور کارکردگی کے فروغ کیلئے بیرونی شراکت داروں سے مشاورت کرنا تھا۔ منگل کو جاری کئے گئے بیان کے مطابق بورڈ کے چھٹے اجلاس کے ایجنڈے میں سرکاری شعبے میں آئی پی ایس اے ایس پر عملدرآمد کیلئے حکمت عملی …
آڈیٹر جنرل آف پاکستان کے پالیسی بورڈ کا اجلاس
مزید خبریں
اسلام آباد ۔23اکتوبر (اے پی پی) آڈیٹر جنرل آف پاکستان کے پالیسی بورڈ کا اجلاس منگل کو یہاں ہوا جس کا مقصد حکومتی فرائض کی ادائیگی میں شفافیت ، احتساب اور کارکردگی کے فروغ کیلئے بیرونی شراکت داروں سے مشاورت کرنا تھا۔ منگل کو جاری کئے گئے بیان کے مطابق بورڈ کے چھٹے اجلاس کے ایجنڈے میں سرکاری شعبے میں آئی پی ایس اے ایس پر عملدرآمد کیلئے حکمت عملی پر تفصیلی غور و خوض تھا۔ آڈیٹر جنرل آف پاکستان جاوید جہانگیر نے اجلاس کی صدارت کی۔ اجلاس میں کنٹرولر جنرل آف اکاﺅنٹس ملٹری اکاﺅنٹس جنرل سمیت دیگر متعلقہ شعبوں کے اعلیٰ حکام نے شرکت کی۔ آڈیٹر جنرل آف پاکستان نے حکمت عملی کی تشکیل کیلئے کنٹرولر جنرل آف اکاﺅنٹس کی جانب سے کی گئی تحقیق کو سراہا اور شراکت داروں کی جانب سے معلومات کی فراہمی یقینی بنانے کیلئے کمیٹی قائم کرنے کی خواہش ظاہر کی۔ ایڈیشنل سیکرٹری خزانہ نے بحث میں حصہ لیتے ہوئے اصلاحاتی ایجنڈا پر عملدرآمد کی ضرورت کو اجاگر کیا۔ بورڈ نے ڈی اے جی پی سٹرٹیجک پلان 2015-19ءپر تفصیلی غور کیا۔ اجلاس میں تمام بورڈ ممبران کو سٹرٹیجک پلان 2020-24ءکیلئے اپنی سفارشات پیش کرنے کی دعوت بھی دی گئی۔
