اسلام آباد یونائیٹڈ کے اوپنر لیوک رونچی نے پی ایس ایل پہلے پلے آف میں تیز ترین نصف سنچری کا نیا ریکارڈ قائم کردیا

80
امریکی انتظامیہ کا مشرق وسطیٰ سے لاکھوں شہریوں کے ممکنہ انخلا کے منصوبے پر غور

لاہور۔19 مارچ(اے پی پی )اسلام آباد یونائیٹڈ کے اوپنر لیوک رونچی نے پاکستان سپر لیگ کے پہلے پلے آف میں کراچی کنگز کے خلاف میچ میں تیز ترین نصف سنچری کا نیا ریکارڈ قائم کردیا۔دبئی میں کھیلے گئے میچ میں کراچی کنگز نے اسلام آباد یونائیٹڈ کو فتح کیلئے 155 رنز کا ہدف دیا لیکن لیوک رونچی نے شاندار بیٹنگ کر کے میچ کو یکطرفہ بنا دیا۔ نیوزی لینڈ سے تعلق رکھنے والے بلے باز نے جارحانہ بیٹنگ کا مظاہرہ کرتے ہوئے صرف 19 گیندوں پر نصف سنچری بنا کر پاکستان سپر لیگ کی تیز ترین ففٹی کا ریکارڈ اپنے نام کر لیا۔انہوں نے 19 گیندوں پر تین چھکوں اور سات چوکوں کی مدد سے نصف سنچری مکمل کی۔اس سے قبل تیز ترین نصف سنچری کا اعزاز مشترکہ طور پر عمر اکمل اور لیوک رونچی کے پاس تھا جنہوں نے 22 گیندوں پر 50 مکمل کی تھی۔لیوک رونچی کی شاندار اننگ کی بدولت ان کی ٹیم پی ایس ایل کے فائنل میں پہنچی ۔