اوپن اے آئی نے پیشہ ورانہ کاموں کے لیے چیٹ جی پی ٹی ۔ 5.4 متعارف کرا دیا

سان فرانسسکو۔6مارچ (اے پی پی):مصنوعی ذہانت کی امریکی کمپنی اوپن اے آئی نے پیشہ ورانہ کاموں کے لیے چیٹ جی پی ٹی ۔ 5.4 متعارف کرا دیا۔شنہوا کے مطابق اوپن اے آئی نے جمعرات کو اپنے جدید ماڈل جی پی ٹی ۔ 5.4 کی ریلیز کا اعلان کیا، جو پیشہ ورانہ کاموں کے لیے خصوصی طور پر ڈیزائن کیا گیا ہے۔کمپنی کے مطابق یہ ماڈل GPT-5.3-Codex کی بنیاد پر جدید منطق، کوڈنگ، اور ورک فلو کی صلاحیتوں کو یکجا کرتا ہے۔

ساتھ ہی اوپن اے آئی نے چیٹ جی پی ٹی ۔ 5.4 پرو بھی متعارف کرایا جو پیچیدہ اور پیشہ ورانہ کاموں کے لیے زیادہ کارآمد ورژن ہے۔چیٹ جی پی ٹی ۔ 5.4 سپریڈشیٹس، پریزنٹیشنز اور دستاویزات میں بہتر کارکردگی فراہم کرتا ہے، اور پیشہ ورانہ کاموں کو مؤثر طریقے سے مکمل کرنے کی سہولت دیتا ہے۔ اس میں بڑے سیاق و سباق کی پروسیسنگ اور ویب سرچ کے بہتر انضمام کی صلاحیت بھی شامل ہے۔چیٹ جی پی ٹی ۔ 5.4 تھنکنگ ورژن صارفین کو جواب دینے سے پہلے اپنی منطق کی وضاحت کرنے کی اجازت دیتا ہے، جس سے صارفین دورانِ جواب ہدایات میں تبدیلی کر سکتے ہیں۔

یہ اسکرین شاٹس سے انٹرفیس عناصر بھی پہچان سکتا ہے اور مختلف سافٹ ویئر پر ماؤس و کی بورڈ آپریشنز انجام دے سکتا ہے۔بنچ مارک ٹیسٹ میں چیٹ جی پی ٹی ۔ 5.4 نے پچھلے ماڈلز کو پیچھے چھوڑ دیا۔ اس نے GDPval موازنوں میں 83 فیصد معاملات میں صنعتی پیشہ ور افراد کے برابر یا بہتر کارکردگی دکھائی اور کوڈنگ ٹیسٹ میں اپنے پیشرو سے بہتر اسکور حاصل کیے۔

کمپنی کے مطابق یہ ماڈل حقائق کے لحاظ سے زیادہ درست ہے اور چیٹ جی پی ٹی ۔ 5.4 کے مقابلے میں غلط معلومات پیدا کرنے کا امکان کم ہے۔چیٹ جی پی ٹی ۔ 5.4 ، پرو، ٹیم اور چیٹ جی پی ٹی پلس اب صارفین اور ڈویلپرز کے لیے API کے ذریعے دستیاب ہے۔ اوپن اے آئی نے اعلان کیا ہے کہ آنے والے مہینوں میں چیٹ جی پی ٹی ۔ 5.4 تھینکنگ ختم ہو جائے گا ۔