اے آئی سسٹمز تیزی سے اپنے مستقبل کے ورژن بنانے کی صلاحیت رکھتے ہیں، انتھروپک کا انتباہ

واشنگٹن ۔18ستمبر (اے پی پی):مصنوعی ذہانت کی بڑی امریکی کمپنی انتھروپک نے کہا ہے کہ مصنوعی ذہانت کے نظام اب اپنے طور پر مصنوعی ذہانت کے نظام بنانے کی طرف پیش رفت کر ر ہے ہیں ۔اے ایف پی کے مطابق انتھروپک کی طرف سے جاری بیان میں کہا گیا ہے کہ اے آئی سسٹمز تیزی سے اپنے مستقبل کے ورژن بنانے کی صلاحیت رکھتے ہیں، جس سے اس طاقتور ٹیکنالوجی کے خطرات کے بارے میں بڑھتے ہوئے خدشات میں اضافہ ہو رہا ہے۔حالیہ مہینوں میں مصنوعی ذہانت کے خطرات پر بحث تیز ہو گئی ہے، جس کی وجہ کئی واقعات اور صنعت سے وابستہ ماہرین کے انتباہات ہیں۔

انتھروپک نے کہا کہ اس کا کلاڈ چیٹ بوٹ اب اپنے تحقیقی اور ترقیاتی کاموں کے ایک چوتھائی سے زیادہ کام خودکرتا ہے، اور 90 فیصد سے زیادہ کاموں میں انسانی عملے کے ساتھ تعاون کرتا ہے۔ کمپنی نے کہا کہ وہ عوام، تھرڈ پارٹی اور حکومتوں کو مصنوعی ذہانت کی ترقی کی رفتار میں بہتر مرئیت دینے کے لیے معلومات شائع کر رہی ہے کیونکہ دنیا اس کی رفتار کو سست کرنے پر غور کر رہی ہے۔اینتھروپک کے سی ای او ڈاریو آمودی نے رواں ماہ مصنوعی ذہانت کی ترقی کی رفتار کو سست کرنے کا مطالبہ کیا کیونکہ اس ٹیکنالوجی میں تیزی سے ترقی ملازمتوں میں کمی اور توانائی کی بڑھتی ہوئی طلب اور ڈیٹا سینٹرز کے ماحولیاتی اثرات کے خدشات میں اضافہ کر رہی ہے۔

انتھروپک نے ایک رپورٹ میں کہا ہے کہ اپنی اپنی ترقی کو تیز کرنے والے مصنوعی ذہانت کے ماڈل انسانوں کے لیے ان نظاموں کو سمجھنا یا کنٹرول کرنا زیادہ مشکل بنا سکتے ہیں۔ لہٰذا یہ سمجھنے کے لیے ان میٹرکس کا اشتراک کرنا ضروری ہے کہ دنیا بار بار ہونے والی خود کی بہتری تک پہنچنے کے کتنی قریب ہے۔انتھروپک نے کہا کہ کلاڈ ابھی تک مکمل طور پر خود مختاری سے کام نہیں کر سکتا۔