جہلم ،عوامی مسائل کے حل کے لیے اوپن ڈور پالیسی، شہریوں کو براہِ راست رسائی کی سہولت

جہلم۔ 13 اکتوبر (اے پی پی):شہریوں کے مسائل کے فوری حل اور عوامی شکایات کے ازالے کے لیے ڈپٹی کمشنر جہلم میر رضا اوزگن اوپن ڈور پالیسی کے تحت عوام کو براہِ راست رسائی فراہم کر رہے ہیں۔ اس اقدام کا مقصد شہریوں کے مسائل سننا، ان کی شکایات پر توجہ دینا اور متعلقہ امور کے حل کے لیے مؤثر اقدامات کو فروغ دینا ہے۔اوپن ڈور پالیسی کے تحت شہری اپنے مسائل، شکایات اور تجاویز براہِ راست ڈپٹی کمشنر کے سامنے پیش کر سکتے ہیں۔

اس پالیسی کے ذریعے عوام اور ضلعی انتظامیہ کے درمیان رابطے کو مضبوط بنانے، شکایات کے ازالے میں تاخیر کم کرنے اور شہریوں کو ریلیف فراہم کرنے پر توجہ دی جاتی ہے۔ڈپٹی کمشنر میر رضا اوزگن کی جانب سے عوامی مسائل کے حل، شفافیت اور جواب دہی کو بہتر بنانے کے لیے اس پالیسی کی اہمیت اجاگر کی گئی ہے۔ شہریوں کی شکایات پر متعلقہ محکموں کے ذریعے بروقت کارروائی اور مؤثر پیروی عوامی اعتماد کی مضبوطی اور معیاری سرکاری خدمات کی فراہمی میں اہم کردار ادا کرتی ہے۔