اسلام آباد۔15نومبر (اے پی پی):وفاقی وزیر ریلوے شیخ رشید احمد نے گلگت بلتستان کے ووٹنگ کے عمل میں سیاسی پختگی پر شمالی علاقوں کے عوام کی تعریف کی۔اتوار کوایک نجی ٹی وی کو انٹرویو دیتے ہوئے انہوں نے کہا کہ بین الاقوامی سیاسی خطرات اور خطے کی حساسیت کے باوجود لوگوں کی ایک بڑی تعداد خاص طور پر خواتین جی بی انتخابات میں ووٹ کاسٹ کرنے کے لئے معاشرے کا …
شیخ رشید کی گلگت بلتستان کے ووٹنگ کے عمل میں سیاسی پختگی پر شمالی علاقوں کے عوام کی تعریف
اسلام آباد۔15نومبر (اے پی پی):وفاقی وزیر ریلوے شیخ رشید احمد نے گلگت بلتستان کے ووٹنگ کے عمل میں سیاسی پختگی پر شمالی علاقوں کے عوام کی تعریف کی۔اتوار کوایک نجی ٹی وی کو انٹرویو دیتے ہوئے انہوں نے کہا کہ بین الاقوامی سیاسی خطرات اور خطے کی حساسیت کے باوجود لوگوں کی ایک بڑی تعداد خاص طور پر خواتین جی بی انتخابات میں ووٹ کاسٹ کرنے کے لئے معاشرے کا طبقہ گھروں سے باہر نکلا۔ انہوں نے کہا کہ گلگت بلتستان چین پاکستان اقتصادی راہداری (سی پیک) کا ایک حب ہے۔ انہوں نے مزید کہا کہ ان علاقوں کے لوگ ووٹنگ کے عمل میں مضبوط عزم اور جوش و جذبے کا مظاہرہ کررہے ہیں تاکہ وہ سی پیک کے ذریعے ترقی اور خوشحالی حاصل کرسکیں۔ ووٹنگ کے عمل کو جاری رکھنے کے بارے میں جی بی پر تبصرہ کرتے ہوئے انہوں نے امید ظاہر کی کہ پاکستان تحریک انصاف مجلس وحدت المسلمین (ایم ڈبلیو ایم) اور آزاد امیدواروں کے ساتھ مل کر حکومت بنائے گی تاکہ اس خطے کے عوام کے لئے فلاحی پروگراموں کو جاری رکھے۔پاکستان مسلم لیگ (ن) کے بارے میں انہوں نے کہا کہ پہاڑی لوگوں نے پچھلے انتخابات میں پاکستان پیپلز پارٹی اور مسلم لیگ (ن) کو ووٹ دیئے تھے لیکن اب جی بی کے رائے دہندگان اپنے مسائل کے حل میں پی ٹی آئی کی قیادت کی طرف دیکھ رہے ہیں۔
