اسلام آباد ۔ 12 ستمبر (اے پی پی) وزیر مملکت برائے قانون و انصاف محسن شاہ نواز رانجھا نے کہا کہ انہیں امید ہے کہ سپریم کورٹ کا پانچ رکنی بنچ پاناما فیصلے پر نظر ثانی اپیل کی سماعت آئین اور قانون کے مطابق کرے گا۔میڈیا سے گفتگو میں انہوں نے کہا کہ 28 جولائی کو سپریم کورٹ کے ججوں کے پانچ رکنی بینچ نے سابق وزیر اعظم محمد نواز …
عدالتی فیصلے کے باوجود سابق وزیر اعظم محمد نواز شریف کی مقبولیت کم نہیں ہوئی، محسن شاہ نواز رانجھا
اسلام آباد ۔ 12 ستمبر (اے پی پی) وزیر مملکت برائے قانون و انصاف محسن شاہ نواز رانجھا نے کہا کہ انہیں امید ہے کہ سپریم کورٹ کا پانچ رکنی بنچ پاناما فیصلے پر نظر ثانی اپیل کی سماعت آئین اور قانون کے مطابق کرے گا۔میڈیا سے گفتگو میں انہوں نے کہا کہ 28 جولائی کو سپریم کورٹ کے ججوں کے پانچ رکنی بینچ نے سابق وزیر اعظم محمد نواز شریف کی نااہلی کا فیصلہ سنایا ، اسی بنچ کو پاناما فیصلے پر نظر ثانی اپیل کی سماعت بھی کرنی چاہیے،انہوں نے کہا کہ نواز شریف کو 2 کروڑ عوام نے ووٹ دے کر اپنا وزیر اعظم منتخب کیا لیکن کسی بھی قسم کی کرپشن ثابت نہ کرنے کے باوجود انہیں نااہل قرار دے دیا گیا۔انہوں نے کہا کہ پاناما کیس کے فیصلے کے باوجود عوام میں سابق وزیر اعظم محمد نواز شریف کی مقبولیت کم نہیں ہوئی، انہیں اب بھی لوگوں کا اعتماد حاصل ہے۔انہوں نے مزید کہا کہ پاکستان مسلم لیگ(ن) آئین اور قانون کی پاسداری کرنے والی جماعت ہے، انہوں نے آئین کی بالا دستی کے لئے وکلاءکی کاوشوں کو سراہا۔
