قائم مقام صدر سیدیوسف رضا گیلانی کی اپنے آبائی شہر آمد، شاندار استقبال

ملتان۔ 29 اپریل (اے پی پی):قائم مقام صدر سید یوسف رضا گیلانی بدھ کے روز اپنے آبائی شہر ملتان پہنچے جہاں ایئرپورٹ پر سیاسی رہنماؤں اور ضلعی انتظامیہ کے افسران نے ان کا پرتپاک استقبال کیا۔

استقبال کرنے والوں میں سینیٹر رانا محمود الحسن، ایم این اے قاسم گیلانی، ایم پی اے علی حیدر گیلانی، ایم پی اے رانا سراج سمیت دیگر اہم شخصیات شامل تھیں۔سید یوسف رضا گیلانی نے آمد کے موقع پر اراکین پارلیمنٹ اور سرکاری افسران سے ملاقات کی اور ان سے خوشگوار ماحول میں تبادلہ خیال کیا۔