قطر کا فوجی ہیلی کاپٹر سمندر میں گر کر تباہ، تکنیکی خرابی قرار

دوحہ ۔22مارچ (اے پی پی):قطر کی مسلح افواج کا ایک ہیلی کاپٹر معمول کی پرواز کے دوران سمندر میں گر کر تباہ ہو گیا، جس کی وجہ تکنیکی خرابی بتائی گئی ہے۔تاس کے مطابق قطری وزارتِ دفاع کے جاری کردہ بیان کے مطابق ہیلی کاپٹر ایک معمول کے مشن پر تھا جب اسے فنی خرابی کا سامنا کرنا پڑا اور وہ ملک کے علاقائی پانیوں میں گر گیا۔بیان میں کہا گیا ہے کہ ہیلی کاپٹر میں سوار عملے اور مسافروں کی تلاش جاری ہے، جبکہ امدادی ٹیمیں جائے وقوعہ پر سرچ آپریشن میں مصروف ہیں۔حکام کے مطابق واقعے کی مزید تحقیقات کی جا رہی ہیں تاکہ حادثے کی مکمل وجوہات کا تعین کیا جا سکے۔