لکسمبرگ۔3دسمبر (اے پی پی):متحدہ عرب امارات 2025 میں ابوظہبی میں ’’ورلڈمون ڈے ‘‘کانفرنس کی میزبانی کرے گا۔ امارات کی نیوز ایجنسی وام کےمطابق ابوظہبی کی جانب سے کانفرنس کی میزبانی کا اعلان متحدہ عرب امارات کی 53 ویں عید الاتحاد کی تقریبات اور لکسمبرگ میں جاری ورلڈ سپیس ویک کے دوران کیا گیا ۔ اس موقع پر متعددملاقاتوں میں متحدہ عرب امارات کی نمائندگی ایمریٹس کونسل فار ورک ریلیشنز ڈیولپمنٹ کے سی ای او ڈاکٹر سالم بن عبداللہ الوحشی نے کی۔
متحدہ عرب امارات کی ’’ورلڈمون ڈے ‘‘کانفرنس کی میزبانی کا اعلان لکسمبرگ میں اقوام متحدہ کے عالمی یوم چاند کے سربراہ ڈاکٹر نصر الصحاف کی صدارت میں منعقدہ اجلاس کے دوران کیا گیا۔6 دسمبر 1999 کو اقوام متحدہ کی جنرل اسمبلی نے انسانوں کی بہتری کے لیے خلائی سائنس اور ٹیکنالوجی کے تعاون کو منانے کے لیے، عالمی خلائی ہفتہ کا اعلان کیا تھا ۔ورلڈ سپیس ویک دنیا کا سب سے بڑا سالانہ خلائی ایونٹ ہے۔ یہ طلباء کو متاثر کر کے کل کی افرادی قوت کی تعمیر میں مدد کرتا ہے۔ خلائی پروگراموں کے لیے عوامی حمایت کو ظاہر کرتا ہے۔
خلائی سرگرمیوں کے بارے میں عوام کو آگاہ کرتا ہے۔ اور خلائی رسائی اور تعلیم میں بین الاقوامی تعاون کو فروغ دیتا ہے۔ہر سال ورلڈ سپیس ویک ایسوسی ایشن بورڈ آف ڈائریکٹرز کے ذریعہ ایک تھیم کا انتخاب اقوام متحدہ کے بیرونی خلائی امور کے دفتر کے ساتھ قریبی ہم آہنگی میں کیا جاتا ہے۔ یہ تھیم ورلڈ سپیس ویک کے شرکاء کو ان کے پروگراموں کے مواد کے بارے میں وسیع رہنمائی فراہم کرتا ہے۔ تھیم کا انتخاب عالمی سطح پر یکساں تھیم کا استعمال کرتے ہوئے تمام انسانیت پر عالمی خلائی ہفتہ کے اثرات کو مزید بڑھانے کے لیے کیا گیا ہے۔
