مصر میں مریض کے گردے سے 58 پتھریاں نکال لی گئیں

قاہرہ ۔13دسمبر (اے پی پی):مصر کے صوبے صعید کی گورنری قنا میں واقع المعبر یونیورسٹی ہسپتال کی ماہر طبی ٹیم نے چالیس سالہ مریض کے گردے سے 58 پتھریاں نکال لیں۔العربیہ اردو کے مطابق یہ آپریشن گردے کے جدید اینڈوسکوپی تکنیکوں کا استعمال کرتے ہوئے کیا گیا۔ اس تکنیک سے بڑی اور متعدد پتھریوں کوبڑا سرجیکل کٹ لگائے بغیر ہٹانے کی اجازت دیتی نکالا جا سکتا ہے۔

ہسپتال کے شعبہ امراض گردہ و مثانہ (یورو لوجی) کے سربراہ ڈاکٹر مصطفیٰ عبدالرازق نے وضاحت کی کہ مریض بار بار پیٹ کے نچلے حصے میں درد اور خون میں نمکیات کی زیادہ مقدار کی شکایت کے ساتھ ہسپتال پہنچا۔ انہوں نے کہا کہ ٹیسٹ اور ایکسرے نے بائیں گردے کے پیلویس میں بڑی تعداد میں پتھریوں کی موجودگی کو ظاہر کیا جس کی وجہ سے مریض کی صحت کو برقرار رکھنے اور ممکنہ پیچیدگیوں، جیسے پیشاب کی نالی میں رکاوٹ یا گردے کے افعال میں خرابی، کو روکنے کے لیے فوری جراحی مداخلت کا فیصلہ کیا گیا۔