More

Social Media

Social Media

نیوٹیک کے زیر اہتمام چترال کے کالجوں کے طلبہ میں ہنرمندی کا مقابلہ

نیوٹیک کے زیر اہتمام چترال کے کالجوں کے طلبہ میں ہنرمندی کا مقابلہ وزیراعظم ہنر مند پروگرام کے ذریعے بیروزگاری اور غربت میں کمی آئے گی‘سعید احمد چترال۔09 جولائی (اے پی پی )نیشنل ووکیشنل اینڈ ٹیکنیکل کمیشن (نیوٹیک) کے زیر اہتمام چترال کے مختلف کالجوں کے طلباءو طالبات میں ہنرمندی کا مقابلہ ہوا۔فیشن ڈیزائن اور ٹیلرنگ کے مقابلے میںگورنمنٹ ٹیکنیکل اینڈ ووکیشنل سنٹر بلچ، گورنمنٹ شاہین ووکیشنل ٹیکنیکل انسٹی ٹیوٹ …

National Vocational and Technical Training Commission

مزید خبریں

نیوٹیک کے زیر اہتمام چترال کے کالجوں کے طلبہ میں ہنرمندی کا مقابلہ
وزیراعظم ہنر مند پروگرام کے ذریعے بیروزگاری اور غربت میں کمی آئے گی‘سعید احمد

چترال۔09 جولائی (اے پی پی )نیشنل ووکیشنل اینڈ ٹیکنیکل کمیشن (نیوٹیک) کے زیر اہتمام چترال کے مختلف کالجوں کے طلباءو طالبات میں ہنرمندی کا مقابلہ ہوا۔فیشن ڈیزائن اور ٹیلرنگ کے مقابلے میںگورنمنٹ ٹیکنیکل اینڈ ووکیشنل سنٹر بلچ، گورنمنٹ شاہین ووکیشنل ٹیکنیکل انسٹی ٹیوٹ برائے خواتین ، اور دروش انسٹی ٹیوٹ آف کمپیوٹر اینڈ ٹیکنکل ایجوکیشن کے پندرہ طلباءو طالبات نے حصہ لیا جبکہ جنرل الیکٹریشن میں دس طلباءنے حصہ لیا۔ تقریب کے مہمان خصوصی سابق رکن صوبائی اسمبلی اور ضلعی صدر پاکستان مسلم لیگ (ن)تھے۔ پرنسپل گورنمنٹ ٹیکنکل کالج منظور الہی نے تقریب کی صدارت کی۔ ان کے علاوہ ڈسٹرکٹ بار ایسوسی ایشن کے صدر ساجد اللہ ایڈوکیٹ ، محمد کوثر ایڈوکیٹ اور دیگر افراد بھی تقریب میں موجود تھے۔تقریب سے خطاب کرتے ہوئے مہمان خصوصی سعید احمدنے کہاکہ علاقے کے بے روزگار نوجوانوں کو وزیراعظم ہنر مند پروگرام کے تحت فنی کام سکھا کر ان کو اپنے پاﺅں پر کھڑا ہونے کی کوشش کوسراہتے ہوئے کہاکہ اس پروگرام کے توسط سے نہ صرف ملک میں بے روزگاری اور غربت میں کمی آئے گی بلکہ سماجی برائیوںکا بھی خاتمہ ہوگا۔

مزید خبریں
اوٹاوا میں پرچم کشائی، قائداعظم کے وژن اور پاکستان کے عزم و اتحاد کو اجاگر کیا گیا اوٹاوا۔15اگست (اے پی پی):کینیڈا کے دارالحکومت اوٹاوا میں پاکستان کے ہائی کمیشن جبکہ مونٹریال، ٹورنٹو اور وینکوور میں قائم پاکستان کے تینوں قونصل جنرلز نے پاکستان کا 80واں یومِ آزادی اور بانی پاکستان قائداعظم محمد علی جناح کے 150ویں یومِ پیدائش کی سال بھر جاری رہنے والی تقریبات منائیں۔اوٹاوا میں ہائی کمیشن کی چانسری میں پرچم کشائی کی تقریب منعقد ہوئی، جس میں پاکستان کی آزادی، قائداعظم محمد علی جناح کے وژن اور پاکستانی قوم کے عزم و اتحاد کو اجاگر کیا گیا۔ اس موقع پر صدرِ پاکستان، وزیراعظم اور نائب وزیراعظم و وزیر خارجہ کے خصوصی پیغامات بھی پڑھ کر سنائے گئے۔یومِ آزادی کی تقریبات کے ساتھ قائداعظم محمد علی جناح کے 150ویں یومِ پیدائش کی سال بھر جاری رہنے والی تقریبات کا بھی آغاز کیا گیا۔ اس موقع پر قائداعظم کی زندگی، قیادت اور قیامِ پاکستان کے لیے تاریخی جدوجہد کو اجاگر کرنے والی دستاویزی فلم پیش کی گئی جبکہ قائداعظم کی زندگی کے اہم لمحات اور پاکستان کی تاریخ کے نمایاں سنگِ میل پر مبنی ڈیجیٹل تصویری نمائش بھی منعقد کی گئی۔تقریب سے خطاب کرتے ہوئے ہائی کمشنر محمد سلیم نے پاکستان کے 80ویں یومِ آزادی پر مبارکباد پیش کی۔ انہوں نے بانیٔ پاکستان قائداعظم محمد علی جناح کی لازوال خدمات اور ورثے کو خراجِ عقیدت پیش کرتے ہوئے کہا کہ حکومت قائداعظم کے ایک پُرامن، جمہوری اور خوشحال پاکستان کے وژن کے لیے اپنے عزم پر قائم ہے۔ہائی کمشنر نے کہا کہ پاکستان مستقبل میں بھی ریاستوں کے درمیان امن، مذاکرات، تعاون اور باہمی احترام کے فروغ کے لیے اپنا کردار ادا کرتا رہے گا۔ انہوں نے کینیڈا میں مقیم پاکستانی کمیونٹی کے عوامی سطح پر روابط مضبوط بنانے میں اہم کردار کو بھی اجاگر کیا۔تقریب میں گریٹر اوٹاوا کے علاقے سے پاکستانی کمیونٹی کے نمائندوں اور پاکستان کے دوستوں کی بڑی تعداد نے شرکت کی۔ پاکستانی خاندانوں، بالخصوص نوجوانوں کی پُرجوش شرکت نے حب الوطنی کے جذبے کی بھرپور عکاسی کی۔شرکا نے ملک کے دفاع اور قومی امنگوں کی تکمیل کے لیے پاکستان کی مسلح افواج اور عوام کی بہادری و قربانیوں کو زبردست خراجِ تحسین پیش کیا۔شرکا نے اس عزم کا بھی اظہار کیا کہ قائداعظم محمد علی جناح کا 150واں یومِ پیدائش نوجوان نسل کو ان کے اصولوں، دوراندیشی اور پاکستان کے لیے ان کے وژن سے رہنمائی حاصل کرنے کی ترغیب دیتا رہے گا۔

Leave a Reply