نیویارک مرکنٹائل ایکسچینج میں سونے کی قیمت 4,700 ڈالر فی ٹرائے اونس سے تجاوز کر کے نئی بلند ترین سطح پر پہنچ گئی

نیویارک۔20جنوری (اے پی پی):نیویارک مرکنٹائل ایکسچینج میں سونے کی قیمت 4,700 ڈالر فی ٹرائے اونس سے تجاوز کر کے نئی بلند ترین سطح پر پہنچ گئی۔تاس کے مطابق تجارتی پلیٹ فارم کے اعداد و شمار سے ماسکو وقت کے مطابق صبح 7:49 بجےسونا 4,700.6 ڈالر فی ٹرائے اونس پر ٹریڈ کر رہا تھا، جس میں 2.29 فیصد اضافہ ہوا۔ صبح 8:04 بجے سونے کی قیمت 2.32 فیصد اضافہ کے ساتھ 4,701.9 ڈالر فی ٹرائے اونس ہو گئی۔ادھر کومیکس پر مارچ کے چاندی کے فیوچرز میں بھی 6.27 فیصد اضافہ دیکھنے میں آیا اور یہ 94.085 ڈالر فی ٹرائے اونس پر پہنچ گئے۔