نیو کیلیڈونیا میں اعتدال پسند جماعت کے امیدوار ملاکولو توکومولی صدر منتخب

سڈنی ۔1اگست (اے پی پی):فرانسیسی زیرِ انتظام بحرالکاہل کے علاقے نیو کیلیڈونیا میں اعتدال پسند جماعت **اوشیانیئن اویکننگ کے رہنما ملاکولو توکومولی کو حکومت کا 12واں صدر منتخب کر لیا گیا۔شنہوا کے مطابق ریڈیو نیوزی لینڈ کے مطابق 41 سالہ ملاکولو توکومولی کو جمعہ کے روز 54 رکنی کانگریس نے 11 رکنی اجتماعی ایگزیکٹو حکومت کا سربراہ منتخب کیا۔

یہ انتخاب 28 جون کو ہونے والے صوبائی انتخابات کے بعد عمل میں آیا۔ملاکولو توکومولی 2019 میں قائم ہونے والی اوشیانیئن اویکننگ جماعت کے پہلے رہنما ہیں جو نیو کیلیڈونیا کے صدر منتخب ہوئے ہیں۔ وہ والیسیائی نسل سے تعلق رکھنے والے پہلے صدر بھی ہیں۔صوبائی انتخابات میں اوشیانیئن اویکننگ نے کانگریس میں چار نشستیں حاصل کیں، جس کے بعد اس نے فرانس نوازلائلسٹس اتحاد کے ساتھ حکومتی معاہدہ کیا۔ مذکورہ اتحاد نے انتخابات میں 24 نشستیں حاصل کی تھیں۔