اسلام آباد ۔ 12 ستمبر (اے پی پی) وزیراعظم شاہد خاقان عباسی نے تجارتی توازن اور برآمدات کے فروغ کے جائزے کیلئے منگل کو اعلیٰ سطح کے اجلاس کی صدارت کی۔ وزارت تجارت نے برآمدات میں اضافے اور درآمدات کو مناسب حد میں رکھنے کیلئے قلیل المدتی اور درمیانی مدت کے مختلف آپشن پیش کئے۔ وزیراعظم نے اس بات کو یقینی بنانے کی ہدایت کی کہ زیر غور کسی بھی …
وزیراعظم شاہد خاقان عباسی کی زیر صدارت تجارتی توازن اور برآمدات کے فروغ کے جائزے کیلئے اجلاس
اسلام آباد ۔ 12 ستمبر (اے پی پی) وزیراعظم شاہد خاقان عباسی نے تجارتی توازن اور برآمدات کے فروغ کے جائزے کیلئے منگل کو اعلیٰ سطح کے اجلاس کی صدارت کی۔ وزارت تجارت نے برآمدات میں اضافے اور درآمدات کو مناسب حد میں رکھنے کیلئے قلیل المدتی اور درمیانی مدت کے مختلف آپشن پیش کئے۔ وزیراعظم نے اس بات کو یقینی بنانے کی ہدایت کی کہ زیر غور کسی بھی آپشن کا پاکستان کی اقتصادی شرح نمو اور ترقی پر منفی اثر نہیں پڑنا چاہئے۔ اجلاس میں جی ایس پی پلس مرتبے پر توجہ مرکوز کی گئی اور یورپی مارکیٹوں میں برآمدات کو وسعت دینے کے مختلف اقدامات کا جائزہ لیا گیا۔ وزیراعظم نے کہا کہ وہ چاہیں گے کہ بیرون ملک پاکستانی سفارتی مشنز پاکستان کے اقتصادی اور تجارتی سفیروں کے طور پر کام کریں۔ وزیراعظم نے بیورو شماریات کی طرف سے برآمداتی تعداد پر نظرثانی کا نوٹس لیتے ہوئے ہدایت کی کہ عمومی اعلان سے قبل درستگی کے نکتہ نظر سے تمام رپورٹس کی مناسب طور پر تصدیق ہونی چاہئے۔ انہوں نے اس امر کو سراہا کہ تجارت کا مجموعی توازن اگست 2017ءکے مہینے میں بہتر ہوا ہے۔ اجلاس میں وزیر تجارت پرویز ملک، وزیراعظم کے معاون خصوصی برائے اقتصادی امور مفتاح اسماعیل، وزیر اعظم کے ترجمان مصدق ملک اور سینئر حکام نے شرکت کی۔
