اسلام آباد۔30اکتوبر (اے پی پی):وفاقی وزیر تجارت جام کمال خان اور وزیر اعظم کے معاون خصوصی برائے صنعت ہارون اختر خان کی زیر صدارت وزارت تجارت میں ایک اعلیٰ سطحی اجلاس ہوا جس میں آٹو موٹیو سیکٹر کے لیے پالیسی اقدامات، استعمال شدہ کاروں کی درآمدات کے ریگولیشن اور مقامی مینوفیکچررز اور سمندر پار پاکستانیوں کے لیے سہولت فراہم کرنے کا جائزہ لیا گیا۔اجلاس میں پاکستان آٹو موٹیو مینوفیکچررز ایسوسی …
وفاقی وزیر تجارت جام کمال خان اور وزیر اعظم کے معاون خصوصی برائے صنعت ہارون اختر خان کی زیر صدارت وزارت تجارت میں اجلاس
مزید خبریں
اسلام آباد۔30اکتوبر (اے پی پی):وفاقی وزیر تجارت جام کمال خان اور وزیر اعظم کے معاون خصوصی برائے صنعت ہارون اختر خان کی زیر صدارت وزارت تجارت میں ایک اعلیٰ سطحی اجلاس ہوا جس میں آٹو موٹیو سیکٹر کے لیے پالیسی اقدامات، استعمال شدہ کاروں کی درآمدات کے ریگولیشن اور مقامی مینوفیکچررز اور سمندر پار پاکستانیوں کے لیے سہولت فراہم کرنے کا جائزہ لیا گیا۔اجلاس میں پاکستان آٹو موٹیو مینوفیکچررز ایسوسی ایشن (پی اے ایم اے ) اور پاکستان ایسوسی ایشن آف آٹو موٹیو پارٹس اینڈ اسیسریز مینوفیکچررز (پی اے اے پی اے ایم ) کے وفود کے علاوہ وزارت تجارت، وزارت صنعت و پیداوار اور ایف بی آر کے سینئر حکام نے شرکت کی۔
اجلاس سے خطاب میں جام کمال خان نے کہا کہ استعمال شدہ کاروں کی کمرشل امپورٹ کھولنے کے بعد آٹوموبائل اور آٹو پارٹس کی صنعت کی صورتحال کا جائزہ لینا اور سمندر پار پاکستانیوں کی جانب سے گاڑیوں کی درآمد کی مختلف سکیموں پر غور کرنا تھا جبکہ اس بات کو یقینی بنانا تھا کہ حقیقی سمندر پار پاکستانیوں کو شفاف طریقہ کار کے ذریعے سہولت فراہم کی جائے۔وفاقی وزیر جام کمال خان نے کہا کہ ای ڈی بی کی جانب سے متعارف کرائے گئے پری شپمنٹ اور پوسٹ شپمنٹ انسپکشن کے نظام کو متعارف کرانے اور کوالٹی کنٹرول کے سخت اقدامات پر عمل درآمد سے استعمال شدہ کار کی تجارتی درآمد کے غلط استعمال کی مؤثر طریقے سے حوصلہ شکنی ہوگی۔
انہوں نے کہا کہ معیار کے معائنے کو نافذ کرکے اور واضح درآمدی قوانین کی وضاحت کرکے، ہمارا مقصد پاکستان کی صنعتی ترقی کی حمایت کرتے ہوئے تعمیل اور شفافیت کو فروغ دینا ہے۔انہوں نے اس بات کی تصدیق کی کہ وزارت کی ترجیح مقامی صنعت اور صنعت کاروں کو سہولت فراہم کرنا ہے، جس سے مقامی شعبے کو مزید مسابقتی اور خود کفیل بننے میں مدد ملے گی۔وزیر تجارت نے بتایا کہ وزارت استعمال شدہ کاروں کی درآمد کی مختلف اسکیموں میں ترمیم کے لیے تجاویز مرتب کررہی ہے جہاں اسکیموں کے تجارتی استحصال کے امکانات کو کم کیا جائے گا۔
انہوں نے کہا کہ کمرشل استعمال شدہ کاروں کی درآمدات پر اضافی 40 فیصد ریگولیٹری ڈیوٹی عائد کی گئی ہے، جو ہر سال بتدریج کم کر کے مقامی آٹو موٹیو انڈسٹری کے لیے متوازن ترغیبی ڈھانچہ فراہم کرے گی جبکہ منصفانہ مارکیٹ کی حرکیات کو یقینی بنائے گی۔اجلاس میں سامان، تحفہ اور رہائش کی اسکیموں کی منتقلی کو ہم آہنگ کرنے کی تجویز کا بھی جائزہ لیا گیا۔ حکام نے بتایا کہ موجودہ فریم ورک کے تحت، بیگیج اسکیم کے لیے اہلیت کے لیے چھ ماہ کا بیرون ملک قیام ضروری ہے۔
صنعت کی طرف سے تجویز کی گئی تھی کہ تمام تینوں اسکیموں میں اہلیت کی مدت کو زیادہ سے زیادہ مدت تک معیاری بنایا جائے، ریگولیٹری عمل کو آسان بنایا جائے اور یکسانیت کو یقینی بنایا جائے۔معاون خصوصی ہارون اختر خان نے انڈسٹری کی تعمیری مصروفیات کو سراہا اور کامرس اور انڈسٹریز ڈویژن کے درمیان قریبی رابطہ کاری کی ضرورت پر زور دیا۔ انہوں نے کہا کہ اس طرح کی باہمی مشاورت ایک پائیدار اور مسابقتی آٹوموٹیو ماحولیاتی نظام کی تعمیر کے لیے ضروری ہے۔
انہوں نے دونوں تجارتی اداروں کی حوصلہ افزائی کی کہ وہ آنے والی آٹوموبائل پالیسی پر فوری طور پر تجاویز کا اشتراک کریں کیونکہ وقت بہت کم ہے اور وزارت صنعت نومبر تک اسے حتمی شکل دینے کے لیے کام کر رہی ہے۔بات چیت کے دوران اے اے پی ایم اے اور پی اے ایم اے کے نمائندوں نے لوکلائزیشن، وینڈر ڈویلپمنٹ، ٹیرف ریشنلائزیشن، اور ریسرچ اینڈ ڈیولپمنٹ مراعات کے بارے میں تفصیلی تجاویز پیش کیں۔
وفاقی وزیر نے صنعت کو ہدایت کی کہ وہ ایک طویل المدتی آٹو موٹیو پالیسی کے لیے جامع تجاویز پیش کریں جو قومی صنعتی مقاصد سے ہم آہنگ ہو۔انہوں نےکہا کہ ہمارا مقصد نہ صرف درآمدات میں غلط استعمال پر قابو پانا ہے بلکہ مقامی مینوفیکچرنگ کو مضبوط بنانا اور عالمی مسابقت کے لیے پاکستان کی صلاحیت کو بڑھانا ہے۔
