"وی ایگزیبٹ 2024” 2 اور 3 مارچ 2024 کو لیونگ ڈریمز مارکی سیالکوٹ کینٹ میں منعقد ہو گی، صدر سیالکوٹ چیمبر آف کامرس اینڈ انڈسٹری

سیالکوٹ۔28جنوری (اے پی پی):صدر سیالکوٹ چیمبر آف کامرس اینڈ انڈسٹری (ایس سی سی آئی)عبدالغفور ملک نے کہا ہے کہ "وی ایگزیبٹ 2024” 2 اور 3 مارچ 2024 کو لیونگ ڈریمز مارکی سیالکوٹ کینٹ میں منعقد ہو گی۔

اتوار کو جاری کردہ اپنے ایک بیان میں انہوں نے کہا کہ ویمن چیمبر آف کامرس اینڈ انڈسٹری سیالکوٹ (ڈبلیو سی سی آئی ایس) کے زیر اہتمام پہلوی ایگزیبٹ 2023 کی کامیابی کے بعد دوسری "وی ایگزیبٹ 2024” کا انعقاد 2 اور 3 مارچ 2024 کو لیونگ ڈریمز مارکی میں کیا جا رہا ہے جس میں سیالکوٹ سمیت پورے پاکستان سے خواتین کاروباری حضرات اپنی تیار کردہ مقامی اور غیر ملکی مصنوعات کو فروخت اور نمائش کے لیے پیش کریں گی۔

صدر ایس سی سی آئی نے کہا کہ "وی ایگزیبٹ 2024” جو خواتین کاروباریوں کے لیے اپنی مصنوعات کی نمائش اور انہیں نمایاں کرنے اور اپنے کاروبار کو اگلے درجے تک لے جانے کا ایک بہترین موقع ہوگا۔ انہوں نے کہا کہ ڈبلیو سی سی آئی ایس تجارتی شعبے میں ان خواتین کی مدد کرنے اور انہیں تمام سطحوں پر کام کرنے والی خواتین کے لیے سازگار ماحول پیدا کرنے کے مشن کے ساتھ خواتین کی کاروباری خدمات انجام دے رہا ہے۔

انہوں نے کہا کہ میں پاکستان بھر کی تمام کاروباری خواتین سے درخواست کرتا ہوں کہ وہ اس موقع سے فائدہ اٹھاتے ہوئے اپنی مصنوعات کی نمائش کے لیے بروقت اپنے اسٹالز بک کرائیں اور زیادہ سے زیادہ لوگوں کو نمائش میں شامل ہونے کی دعوت دیں۔