پاکستان آرمی، واپڈا، پولیس اور پاکستان نیوی نے نیشنل نیٹ بال چیمپئن شپ کے سیمی فائنل کے لیے کوالیفائی کر لیا

اسلام آباد۔29جون (اے پی پی):پاکستان آرمی، واپڈا، پولیس اور پاکستان نیوی نے نیشنل نیٹ بال چیمپئن شپ کے سیمی فائنل کے لیے کوالیفائی کر لیا۔

ہفتہ کو پاکستان سپورٹس کمپلیکس کے لیاقت جمنازیم میں کوارٹر فائنل میں پاکستان آرمی نے پنجاب کو 25-12 گولز سے، واپڈا نے اے جے کے کو 59-3 گول سے، پولیس نے سندھ کو 26-20 گولز سے اور پاکستان نیوی نے کے پی کے کو 32-17 گولز سے شکست دی۔ پنجاب، پاکستان آرمی، سندھ اور سی آر اے ویمن سیمی فائنل میں داخل ہوئے۔

کوارٹر فائنل میں پنجاب نے واپڈا کو 22-25 گول سے، سندھ نے پی این ایف ایلیٹ کو 38-8 گول سے، پاکستان آرمی نے گلگت بلتستان کو 26-8 گول سے اور سی آر اے نے اے جے کے کو 16-9 گول سے شکست دی۔سیمی فائنل میں پنجاب کا مقابلہ پاک آرمی سے ہوگا اور سندھ کا مقابلہ سی آر اے سے ہوگا۔ چیمپئن شپ کے مرد اور خواتین دونوں فائنلز اتوار کو کھیلے جائیں گے۔