اسلام آباد ۔ 18 اگست (اے پی پی) پاکستان تحریک انصاف کی حکومت اقتدار میں آنے کے بعد اداروں میں کفایت شعاری مہم شروع کیں اور اداروں میں اخراجات کم کئے، اس تناظر میں پاکستان پوسٹ نے بھی اس وقت سے ادارے میں اخراجات کم کئے اور ادارے میں بہتر حکمت عملی کے تحت اقدامات کرکے انہیں نہ صرف مالی حسارے سے نکالا بلکہ وفاقی وزیر پوسٹل سروسسز مراد سعید …
پاکستان تحریک انصاف کی حکومت پاکستان پوسٹ کو اپنے پائوں پر کھڑا کر کے منافع بخش ادارہ بنایا
مزید خبریں
اسلام آباد ۔ 18 اگست (اے پی پی) پاکستان تحریک انصاف کی حکومت اقتدار میں آنے کے بعد اداروں میں کفایت شعاری مہم شروع کیں اور اداروں میں اخراجات کم کئے، اس تناظر میں پاکستان پوسٹ نے بھی اس وقت سے ادارے میں اخراجات کم کئے اور ادارے میں بہتر حکمت عملی کے تحت اقدامات کرکے انہیں نہ صرف مالی حسارے سے نکالا بلکہ وفاقی وزیر پوسٹل سروسسز مراد سعید کی ذاتی کوششوں سے پاکستان پوسٹ اپنے پائوں پر کھڑا ہونے کے ساتھ ساتھ ایک منافع بخش ادارے کے طور پر سامنے آیا ہے، پاکستان پوسٹ جو کہ پی ٹی آئی حکومت آنے سے پہلے مالی خسارے کا شکار ایک بے جان ادارہ بن چکا تھا اور جس کا کوئی پرسان حال نہیں تھا، موجودہ حکومت میں دو سال کے دوران دن رات ایک کر کے اس اہم قومی ادارے کو ایک فعال عوامی خدمت سے سرشار اور جدید دور کے تقاضوں سے ہم آہنگ قومی ادارہ بن کر عوام کا کھویاہوا اعتماد بحال کیا ہے، پاکستان پوسٹ کو منافع بخش ادارہ بنانے کے لئے کئی اہم اقدامات کئے جس کے تحت پاکستان پوسٹ مناسب لاگت پر صارفین کو ان کی دہلیز پر میل، رقم اور سامان کی محفوظ اور بروقت فراہمی ، الیکٹرانک منی آرڈر (ای ایم او) ڈور سٹیپ سروس ،ابتدائی طور پر ای ایم او کو جنرل پوسٹ آفس (جی پی اوز) میں ونڈوز کی ادائیگی کے لئے پیش کیا گیا جو پوسٹ ٹو پوسٹ کے نام سے جانا جاتا تھا۔ اب پاکستان پوسٹ ای ایم او سروس پیش کر رہی ہے جسے پوسٹ ٹو ڈور سٹیپ کہا جاتا ہے،پاکستان پوسٹ فرد اور کاروباری افراد کے لئے مواصلاتی رابطے کی فراہمی سے بالاتر ہوکر بدلتی مواصلات کی منڈی کو آگے بڑھانے کے لئے ایک وسیع اور متنوع کردار ادا کررہی ہے، پاکستان پوسٹ روایتی طور پر اس کو اپنا بنیادی پوسٹل بزنس سمجھ جانے سے آگے بڑھنے کے لئے نئی مواصلات اور انفارمیشن ٹکنالوجی کے استعمال پر زور دے رہی ہے، پاکستان پوسٹ شاپ نے دلچسپی رکھنے والے ای کامرس شراکت داروں کو پوسٹل کاؤنٹرز کے ذریعے اپنی مصنوعات کی آن لائن فروخت کے لیے تعاون کی پیش کش کی ہے اس سہولت سے نوجوان تاجروں کو پلیٹ فارم مہیا ہو گا جس کی مدد سے وہ انتہائی کم اخراجات پر اپنے کاروبار کو ترقی سکیں گے ، یہ سروس رواں سال فروری کے آغاز میں پاکستان پوسٹ کے ای کامرس اقدام کے تحت شروع کی گئی۔ پاک پوسٹ شاپ کے تحت نوجوان تاجروں اور خوردہ فروشوں کو پاکستان پوسٹ کاروبارسہولت سے فائدہ اٹھانے کے لئے شراکت کے مواقع پیش کررہی ہے۔ پاک پوسٹ کے پاس وسیع انفراسٹرکچر اور ترسیل اور رسد کا نیٹ ورک موجود ہے، بہت سے بین الاقوامی ویب پورٹل آپریٹرز نے بھی پاکستان پوسٹ کے ساتھ بطور ڈیلیوری پارٹنر پاکستانی مارکیٹ میں کاروبار کی دلچسپی ظاہر کی ہے جس سے یہ ادارہ مزید ترقی کرے گا۔ حکومت کی دو سالہ کارکردگی کے حوالے سے پاکستان پوسٹ کے ترجمان نے اے پی پی کو بتایا کہ موجودہ حکومت کی بہتر اقدامات کی وجہ سے یہ ادارہ اب ترقی کی راہ پر گامزن ہوچکا ہے۔ انہوں نے کہا کہ وزیر اعظم کے وژن کے مطابق وفاقی وزیر مراد سعید کی ہدایت پر پاکستان پوسٹ نے اداری میں اخراجات کم کئے اور ادارے کوجدید خطوط پر استوار کرنے کے لئے کام شروع کیا گیا جس کی وجہ سے پاکستان جو پہلے مالی بحران کا شکار ادارہ تھا اب منافع بخش ادارے کے طور پر سامنے آیا ہے۔ ترجمان نے کہا کہ گزشتہ دو سال کے دوران حکومت کئی اہم اقدامات کئے جس کی وجہ سے یہ ادارہ پروان چڑھا ہے جس کے تحت پاکستان پوسٹ موبائل ایپلی کیشن (ایپ) کو متعارف کرایا جس کو ایک لاکھ سے زیادہ صارفین نے ڈاؤن لوڈ کیا ہے جو صارفین اپنے اینڈرائڈ موبائل ڈیوائسزکے ذریعے اپنے خطوط کو آن لائن ٹریک اور ٹریس کرنے میں استعمال کر سکتے ہیں۔ ترجمان نے کہا کہ پاکستان پوسٹ صارفین کے صلاحیتوں کو بڑھانے اور نظام کو مستقل طور پر بہتر بنانے کے لئے اپنی تمام شکایات کو اس موبائل ایپ کے ذریعے کرتا ہے۔ اس درخواست میں متعدد خصوصیات ہیں جو سروسز کی وسیع صفوں کو استعمال کرتی ہیں۔ انہوں نے کہا کہ پاکستان پوسٹ نے پہلے ہی یہ آفردی ہے جیسے کہ ٹریک اینڈ ٹریس ، شکایات ہینڈلنگ ، ای کامرس ، پارسل وصولی ، ترسیل ، شکایات ، پوسٹ آفس کے مقامات ، ٹیرف ، پوسٹ کوڈ اور پوسٹل سروسسز کے بارے میں معلومات شامل ہیں ، ایپ کا استعمال کرتے ہوئے گاہک اپنے سفر کے دوران اپنے پارسل کو ٹریک کرسکتے ہیں اور اس یقین دہانی کے ساتھ شکایت درج کرواسکتی ہے کہ اس کا مناسب طریقے سے حل کیا جائے گا۔ ترجمان نے کہا کہ پاکستان پوسٹ نے آن لائن ای شاپ کے ذریعے 1770 شراکت داروں کی رجسٹریشن کی ہے ، جو خدمات کی سیلز ، وصولی اور واپسی کی سروسز ، کاؤنٹر بکنگ سمیت دیگر سہولیات فراہم کرتے ہیں۔ترجمان نے کہا کہ پاکستان پوسٹ کے کیش آن ڈلیوری کی ترسیل کے ثبوت رقوم کی فوری ادائیگیوں کے ساتھ آن لائن فروخت کنندگان کے سامان کی ترسیل اور نقد ادائیگی کی صلاحیت موجود ہے۔ انہوں نے کہا کہ بہت سے بین الاقوامی ویب پورٹل آپریٹرز نے اس حوالہ سے ہمارے ساتھ اشتراک کار میں اپنی دلچسپی ظاہر کی ہے۔
