اسلام آباد۔23مارچ (اے پی پی):وفاقی وزیر برائے تخفیف غربت و سماجی تحفظ سید عمران احمد شاہ نے کہا ہے کہ ریاست پاکستان کا قیام عوامی فلاح و بہبود اور سماجی انصاف پر مبنی وژن کی تکمیل کی نمائندگی کرتا ہے ، معاشرہ کے کمزور طبقات کا تحفظ اور انہیں بااختیار بنانا اولین ترجیح ہے ۔ وزارت تخفیف غربت و سماجی تحفظ کی جانب سے پیر جاری پیغام میں یوم پاکستان …
پاکستان کا قیام عوامی فلاح و بہبود اور سماجی انصاف پر مبنی وژن کی تکمیل کی نمائندگی کرتا ہے ، وفاقی وزیر برائے تخفیف غربت و سماجی تحفظ
مزید خبریں
اسلام آباد۔23مارچ (اے پی پی):وفاقی وزیر برائے تخفیف غربت و سماجی تحفظ سید عمران احمد شاہ نے کہا ہے کہ ریاست پاکستان کا قیام عوامی فلاح و بہبود اور سماجی انصاف پر مبنی وژن کی تکمیل کی نمائندگی کرتا ہے ، معاشرہ کے کمزور طبقات کا تحفظ اور انہیں بااختیار بنانا اولین ترجیح ہے ۔ وزارت تخفیف غربت و سماجی تحفظ کی جانب سے پیر جاری پیغام میں یوم پاکستان کے موقع پر قوم کو دلی مبارکباد پیش کرتے ہوئے انہوں نے قومی ترقی کے حصول کے لئے اتحاد اور اجتماعی عزم کی ضرورت پر زور دیا۔اپنے پیغام میں انہوں نے کہا کہ یوم پاکستان جدوجہد، قربانیوں اور قوم کی تجدید عہد کی یاد دہانی کا کام کرتا ہے۔ انہوں نے کہا کہ یہ دن برصغیر کے مسلمانوں کی سیاسی دانشمندی اور تاریخی جدوجہد کی عکاسی کرتا ہے۔
انہوں نے کہا کہ 23 مارچ نے برصغیر کے مسلمانوں کے لیے ایک علیحدہ شناخت اور خودمختاری کی بنیاد رکھی، جو بالآخر پاکستان کے قیام کا باعث بنی۔وفاقی وزیر نے کہا کہ ریاست پاکستان کا قیام عوامی فلاح و بہبود اور سماجی انصاف پر مبنی وژن کی تکمیل کی نمائندگی کرتا ہے۔حکومت کی ترجیحات پر روشنی ڈالتے ہوئے سید عمران احمد شاہ نے کہا کہ معاشرے کے کمزور طبقات کا تحفظ اور انہیں بااختیار بنانا اولین ترجیح ہے۔انہوں نے مزید کہا کہ فلاحی ریاست کی تعمیر کے لیے پالیسیوں پر موثر طریقے سے عمل درآمد کیا جا رہا ہے جبکہ امداد کی شفاف اور بروقت فراہمی کو یقینی بنانے کے لیے ڈیجیٹل سسٹمز کا استعمال کیا جا رہا ہے۔وفاقی وزیر برائے تخفیف غربت و سماجی تحفظ سید عمران احمد شاہ نے کہا کہ غربت کے خا تمہ کے لیے حکومتی اقدامات کو تقویت دی جا رہی ہے۔ انہوں نے زور دیا کہ ایک مضبوط، خود مختار اور خوشحال پاکستان کی تعمیر کے لیے اجتماعی کوششیں ناگزیر ہیں۔
