چین کے اہم علاقوں میں مٹی و پانی کے کٹاؤ کا مؤثر طریقے سے کنٹرول، متاثرہ رقبے میں 1.16 لاکھ مربع کلومیٹر کی کمی

بیجنگ۔22دسمبر (اے پی پی):چین کے اہم علاقوں میں مٹی و پانی کے کٹاؤ پر مؤثر طریقے سے کنٹرول کی پالیسی کی وجہ سے کٹائو سے متاثرہ رقبے میں 1.16 لاکھ مربع کلومیٹر کی کمی واقع ہوئی ہے۔ سی جی ٹی این کے مطابق چین کی وزارت آبی وسائل کی رپورٹ کے مطابق چین کے 14ویں پانچ سالہ منصوبے کی مدت کے دوران ملک میں مٹی و پانی کے کٹاؤ کے انتظامی رقبے میں 3.4 لاکھ مربع کلومیٹر سے زیادہ کا اضافہ ہوا اور مٹی اور پانی کے نقصان سے متاثر خالص رقبے میں تقریباً 1.16 لاکھ مربع کلومیٹر کی کمی واقع ہوئی جس سےملک بھر میں مٹی و پانی کے تحفظ کی شرح 73 فیصد سے زیادہ پر برقرار رہی، یوں انسانیت اور فطرت کے درمیان بقائے باہمی کے لئے مضبوط حمایت فراہم کی گئی ہے۔

رپورٹ کے مطابق چین کے اہم علاقوں میں مٹی و پانی کے کٹاؤ کو مؤثر طریقے سے کنٹرول کیا گیا ہے۔ مرکزی حکومت کی سرمایہ کاری چھوٹے دریائی طاسوں کے جامع انتظامات کی مکمل طور پر حمایت کرتی ہے جس سے 6.7 لاکھ مربع کلومیٹر رقبے پر مٹی کے کٹاؤ سے نمٹا گیا۔زیر انتظام علاقوں میں مٹی کے کٹاؤ کی شدت 15 سے 20 فیصد پوائنٹس کم ہوئی اور ماحولیاتی نظام کے معیار اور استحکام میں نمایاں بہتری دیکھنے میں آئی ہے۔