کورونا وائرس کے پھیلائو میں اضافہ کے پیش نظرماسک کی مانگ میں اضافہ

اسلام آباد ۔ 29مارچ (اے پی پی) پاکستان سمیت پوری دنیا میںکورونا وائرس کے پھیلائو میں اضافہ کے پیش نظرماسک کی مانگ میں اضافہ ہوا ہے، ، جڑواں شہرو ں اسلام آباد اور راولپنڈی میں سڑکوں اور گلیوں میں ہاکرز کپڑوں اور پلاسٹک کے بنے ماسک سستے داموںفروخت کرتے نظر آتے ہیں۔یہ ہاکرز، چھوٹی مارکیٹوںں اور سڑکوںپر راہگیر گاہکوں کو طرح طرح کے حفاظتی ماسک پیش کرتے ہیں تاکہ وہ کورونا وبائی امراض کے اثرات سے بچ سکیں۔ خریداروں کے مطابق ، مہلک کورونا وائرس سے تحفظ کے لئے بڑھتی ہوئی مانگ کے تناظر میں سڑک پر یہ فروخت کنندگان سپر اسٹورز کے مقابلے میں سستے ماسک فروخت کررہے ہیں۔ایک فیملی نے بتایا کہ جراحی کے ماسک زیادہ تر میڈیکل اسٹوروں پر دستیاب نہیں تھے لہذا ہم ان کپڑوں کے ماسک خریدنے کو ترجیح دیتے ہیں جو ہمارے بچوں کے لئے خاص طور پر لے جانے کے لئے سستے ہیں۔ ایک شہری نے بتایا کہ کورونا وائرس کے خوف کے سبب ، ماسک کا استعمال بڑھتا گیا اور تاجروں نے زیادہ قیمت پر ماسک فروخت کرنا شروع کردیئے لیکن سڑک کنارے ماسک فروشوں نے اس بیماری سے بچائو کے لئے سستے ماسک خریدنے کاموقع فراہم کیا۔