ملکی آبی ذخائر میں پانی کی آمد اور اخراج

اسلام آباد ۔ 28 مارچ (اے پی پی) واپڈا نے مختلف آبی ذخائر میں پانی کی آمد اور اخراج کے اعدادو شمار جاری کردیئے ہیں۔ جمعرات کو واپڈا سے جاری ہونے والے اعداد و شمار کے مطابق دریائے سندھ میں تربیلا کے مقام پر پانی کی آمد20000کیوسک اور اخرج 20000کیوسک رہا۔ دریائے کابل میں نوشہرہ کے مقام پر پانی کی آمد12400 کیوسک اور اخراج12400 کیوسک ریکارڈ کیا گیا۔ دریائے جہلم میں منگلاکے مقام پر پانی کی آمد32100کیوسک اور اخراج50000کیوسک، دریائے چناب میں مرالہ کے مقام پر پانی کی آمد15800کیوسک اور اخراج 6800کیوسک رہا۔ تربیلا ڈیم کا کم از کم آپریٹنگ لیول 1392فٹ، ڈیم میں پانی کی موجودہ سطح1393.00 فٹ، ڈیم میں پانی ذخیرہ کرنے کی انتہائی سطح 1550فٹ اورقابلِ استعمال پانی کا ذخیرہ 0.009 ملین ایکڑ فٹ رہا۔ منگلاڈیم کا کم از کم آپریٹنگ لیول 1050فٹ، ڈیم میں پانی کی موجودہ سطح 1111.60فٹ،ڈیم میں پانی ذخیرہ کرنے کی انتہائی سطح 1242فٹ اور قابل استعمال پانی کا ذخیرہ 0.598 ملین ایکڑ فٹ ریکارڈ کیا گیا۔ چشمہ ڈیم کا کم از کم آپریٹنگ لیول 638.15 فٹ، ڈیم میں پانی کی موجودہ سطح 638.50 فٹ، ڈیم میں پانی ذخیرہ کرنے کی انتہائی سطح 649 فٹ اورقابل استعمال پانی کا ذخیرہ 0.004 ملین ایکڑ فٹ ہے۔