ریاض ۔ 3 دسمبر (اے پی پی) لیبیا کی پارلیمنٹ کے سپیکر عقیلہ الشیخ نے خادم الحرمین الشریفین شاہ سلمان بن عبدالعزیز آل سعود سے ملاقات کی ہے۔العریبہ ٹی وی کے مطابق ریاض میں ہونے والی ملاقات میں دونوں ملکوں کے درمیان تعاون کے فروغ بالخصوص لیبیا کی پارلیمنٹ اور سعودی عرب کی شوریٰ کونسل کے درمیان تعلقات کو مزید مستحکم کرنے پر اتفاق کیا گیا۔لیبیا کے سپیکر اور شاہ …
شاہ سلمان سے لیبیائی پارلیمنٹ کے سپیکرکی ملاقات
ریاض ۔ 3 دسمبر (اے پی پی) لیبیا کی پارلیمنٹ کے سپیکر عقیلہ الشیخ نے خادم الحرمین الشریفین شاہ سلمان بن عبدالعزیز آل سعود سے ملاقات کی ہے۔العریبہ ٹی وی کے مطابق ریاض میں ہونے والی ملاقات میں دونوں ملکوں کے درمیان تعاون کے فروغ بالخصوص لیبیا کی پارلیمنٹ اور سعودی عرب کی شوریٰ کونسل کے درمیان تعلقات کو مزید مستحکم کرنے پر اتفاق کیا گیا۔لیبیا کے سپیکر اور شاہ سلمان کے درمیان ہونے والی ملاقات کے موقع پر سعودی عرب کے وزیر داخلہ شہزادہ عبدالعزیز بن سعود بن نائف بن عبدالعزیز، وزیرخارجہ شہزادہ فیصل بن فرحان بن عبداللہ ،چیئرمین شوریٰ کونسل ڈاکٹر عبداللہ بن محمد آل الشیخ، وزیر مملکت اور سکیورٹی امور کے مشیر ڈاکٹر مساجد بن محمد العیبان، وزیر مملکت برائے افریقی امور احمد بن عبدالعزیزقطان اور لیبیا کے قائم مقام وزیر خارجہ خالد عمرو الطبیب بھی موجود تھے۔
