موسمیاتی تبدیلی ڈویژن کے ترقیاتی کاموں کے لئے3 ارب 78 کروڑ روپے جاری

اسلام آباد ۔ 9 جنوری (اے پی پی) وزارت منصوبہ بندی، ترقی و اصلاحات نے سرکاری شعبہ کے ترقیاتی پروگراموں میں موسمیاتی تبدیلی ڈویژن کے ترقیاتی کاموں کے لئے مجموعی طورپر اب تک 3 ارب 78 کروڑ 96 لاکھ روپے سے زائد کے فنڈز جاری کر دیئے ہیں، حکومت نے اس ڈویژن کے ترقیاتی کاموں کے لئے رواں مالی سال 7 ارب 57 کروڑ روپے مختص کئے ہیں۔ پلاننگ کمیشن کی طرف سے جاری اعداد وشمار کے مطابق حکومت نے ٹین بلین ٹری سونامی پروگرام فیز۔ I کے لئے 3 ارب 75 کروڑ، موسمیاتی تبدیلی رپورٹنگ یونٹ کے قیام کے لئے 75 لاکھ، اربن ہیومن سیٹلمنٹ یونٹ کے لئے ایک کروڑ روپے سے زائد کے فنڈز جاری کر دیئے ہیں۔