اسلام آباد۔ 18 جون (اے پی پی) پاکستان کرکٹ بورڈ (پی سی بی) نے تمام ڈومیسٹک کرکٹرز اور کوچز کے کنٹریکٹ میں ایک ماہ کی توسیع کر دی ہے۔ 30 جون کو ختم ہونے والے کنٹریکٹ میں 31 جولائی تک توسیع کی گئی ہے۔ تمام کھلاڑیوں اور کوچز کا 12 ماہ پر مشتمل آئندہ سالانہ کنٹریکٹ یکم اگست سے شروع ہوگا۔ کنٹریکٹس میں توسیع کا فیصلہ شعبہ ہائی پرفارمنس کی جانب سے کیا گیا ہے۔ شعبہ ہائی پرفارمنس ان دنوں تمام ڈومیسٹک کوچز کی کارکردگی کا جائزہ لے رہا ہے۔ یہ عمل آئندہ ماہ کے آغاز میں مکمل ہو جائے گا جس کے بعد 6 کرکٹ ایسوسی ایشنز کے حتمی سکواڈز کا اعلان جولائی کے آخر میں کر دیا جائے گا۔ سیزن 2019ـ20ئ میں پی سی بی نے 192 ڈومیسٹک کھلاڑیوں کو کنٹریکٹ دی?ے تھے جس میں سے 186 کھلاڑیوں نے کنٹریکٹ قبول کر لئے تھے۔ پاکستان کرکٹ بورڈ کے ڈائریکٹر ہائی پرفارمنس ندیم خان کا کہنا ہے کہ ایک جامع اور وسیع ترین عمل کے تحت تمام کوچز کی کارکردگی کا جائزہ لیا جا رہا ہے۔ انہوں نے کہا کہ کارکردگی جانچنے کا یہ عمل تین مختلف حصوں میں تقسیم کیا گیا ہے، جس میں خود اپنا محاسبہ، انٹرویوز، کھلاڑیوں اور ساتھی کوچز کی آرائ شامل ہیں۔ ندیم خان نے کہا کہ پیشہ ور افراد کی کارکردگی جانچنے کا یہ ایک جدید طریقہ کار ہے۔ انہوں نے کہا کہ ہم ڈومیسٹک کرکٹ میں بہترین دستیاب کوچز لگانے کے خواہشمند ہیں تاکہ وہ ہمارے کھلاڑیوں کی کارکردگی میں نکھار لانے کے ساتھ ساتھ ڈومیسٹک کرکٹ کے معیار میں بھی بہتری لانے کا سبب بنیں۔انہوں نے مزید کہا کہ جیسے ہی تمام کوچز کی کارکردگی جانچنے کا یہ طریقہ کار مکمل ہوجائے گا ویسے ہی چھ کوچز، کرکٹ ایسوسی ایشنز کی ٹیموں کی تشکیل کے عمل کا آغاز کر دیں گے۔ ندیم خان نے کہا کہ وہ پرامید ہیں کہ یہ تمام عمل جولائی کے آخر تک مکمل ہو جائے گا اور ڈومیسٹک کرکٹ کا آئندہ سالانہ کنٹریکٹ یکم اگست سے نافذ العمل ہوگا۔ڈائریکٹر ہائی پرفارمنس نے کہا کہ کورونا وائرس کے باعث بدلتی صورتحال اور اپنے کھلاڑیوں اور عہدیداران کی صحت اور حفاظت کے پیش نظر یہ کہنا ابھی قبل ازوقت ہوگا کہ ڈومیسٹک سیزن 2020ـ21ئ کا آغاز کب ہوگا تاہم اب محدود وقت پر مشتمل نوٹس پر بھی آئندہ سیزن کے آغاز کے لئے تیار رہیں گے۔
Short Link: https://urdu.app.com.pk/urdu/?p=203364
