اسلام آباد ۔ 17 اگست (اے پی پی) الیکشن کمیشن نے عوام سے رابطے کو بہتر اور آسان بنانے کے لئے کمپلینٹ مینجمنٹ سسٹم (سی ایم ایس) شروع کرنے کا فیصلہ کیا ہے۔ اس سلسلے میں چیف الیکشن کمشنر کو سی ایم ایس کے حوالے سے بریف کیا گیا اور ڈیمو دیا گیا۔ سی ایم ایس کے ذریعے الیکشن کمیشن آف پاکستان کے حوالے سے شکایات کو الیکٹرانک ذریعے سے رجسٹر کرایا جا سکے گا۔ سی ایم ایس کے ذریعے شکایات کے حل کے حوالے سے نظام کو مو¿ثر بنایا جا سکے گا۔ اس سسٹم کے ذریعے شکایات کنندہ اپنی شکایت کے حل کے حوالے سے ٹریکنگ بھی رکھ پائے گا۔ چیف الیکشن کمشنر نے ہدایات دیں کہ اس سسٹم کو مزید مو¿ثر اور جامع بنایا جائے اور فوراً شروع کر دیا جائے۔
