ترکی ، دو مختلف واقعات میں 10 سکیورٹی اہلکار جاں بحق

انقرہ۔27 ستمبر (اے پی پی) ترکی میں تشدد کے دو مختلف واقعات میں سلامتی کے اداروں کے 10 اہلکار مارے گئے ۔ جرمن ذرائع ابلاغ کے مطابق جنوب مشرقی صوبے ماردین میں سٹرک کے کنارے نصب بم کے پھٹنے سے 4 فوجی جاں بحق اور 7 زخمی ہو گئے۔ دوسرا واقعہ سرناک صوبے میں پیش آیا ،جس میں ایک جھڑپ کے دوران 6 ترک فوجی مارے گئے۔ ان دونوں واقعات کی ذمہ داری کالعدم کردستان ورکرز پارٹی پر عائد کی گئی ہے۔