وزیراعظم عمران خان فیصل آباد پہنچ گئے، ایئر پورٹ پرگورنر، وزیر اعلیٰ، وفاقی و صوبائی وزرااور ارکان اسمبلی نے ان کا استقبال کیا

فیصل آباد۔18نومبر (اے پی پی):وزیراعظم عمران خان بدھ کی دوپہر سوا بارہ بجے فیصل آباد پہنچ گئے۔خصوصی طیارے کے ذریعے فیصل آبادانٹرنیشنل ایئرپورٹ پہنچنے پرگورنرپنجاب چوہدری محمد سرور، وزیر اعلیٰ پنجاب سردار عثمان بزدار،چیف سیکرٹری، انسپکٹر جنرل پولیس پنجاب، وفاقی و صوبائی وزرااور ارکان اسمبلی نے ان کا استقبال کیاجبکہ اس موقع پر کمشنر فیصل آباد ڈویژن، ریجنل پولیس آفیسر، ڈپٹی کمشنر فیصل آباد اور دیگر اعلیٰ حکام بھی موجود تھے۔وزیر اعظم اپنی آمد کے فوری بعد سیرینا ہوٹل روانہ ہوگئے جہاں وہ مختلف تقریبات میں شرکت کریں گے۔