آئی ایم ایف کا کرسٹائن لاگارڈے پر بھرپور اعتماد کا اظہار

واشنگٹن ۔ 20 دسمبر (اے پی پی) بین الاقوامی مالیاتی فنڈ (آئی ایم ایف) نے مینیجنگ ڈائریکٹر کرسٹائن لاگارڈے کو فرانسیسی عدالت سے سزا کے باوجود ان کی سربراہی پر بھرپور اعتماد ظاہر کیا ہے۔ یہ اعلان گزشتہ روز آئی ایم ایف کے بورڈ آف ڈائریکٹرز کے اجلاس کے بعد کیا گیا جس میں ان کا کہنا تھا کہ کرسٹائن لاگارڈے کو سزا بطور فرانسیسی وزیر خزانہ 2008 ءکے ایک مقدمے میں تساہل کے طور پر ملی جبکہ ان کی بطور ایم ڈی آئی ایم ایف کارکردگی انتہائی اطمینان بخش ہے اور انھیں آئندہ بھی اپنی خدمات اسی طرح جاری رکھنی چاہیئں۔ان کا کہنا تھا کہ عالمی معیشت کو درپیش چیلنجز سے نمٹنے کیلئے ادارے کو ان کی قیادت کی ضرورت رہے گی۔

Short Link: https://urdu.app.com.pk/urdu/?p=34396