پاکستان فیڈریشن بیس بال کے زیر اہتمام 25 ویں مین نیشنل بیس بال چیمپئن شپ جی ایچ کیو راولپنڈی بیس بال گراؤنڈ میں شروع ہو گئی

راولپنڈی۔30جون (اے پی پی):پاکستان فیڈریشن بیس بال کے زیر اہتمام 25 ویں مین نیشنل بیس بال چیمپئن شپ جی ایچ کیو راولپنڈی بیس بال گراؤنڈ میں شروع ہو گئی ،

افتتاحی تقریب کے مہمان خصوصی ڈپٹی ڈائریکٹر آرمی سپورٹس ڈائرکٹوریٹ لیفٹننٹ کرنل نبیل رانا کو جنرل سیکرٹری پاکستان فیڈریشن بیس بال سید فخر علی شاہ نے خوش آمدید کہا اور تمام کھلاڑیوں نے پرجوش تالیوں میں ان کا استقبال کیا، افتتاحی روز کھیلے گئے پہلے میچ میں خیبرپختونخوا نے سندھ کو 15 رنز سے شکست دی،

اویس، عاطف، عبداللہ، یحییٰ، حمید طارق اور قاسم نے دو، دو رنز بنائے ، دوسرے میچ میں واپڈا نے اسلام آباد کے خلاف 4 کے مقابلے 10 رنز سے کامیابی حاصل کی ، واپڈا کی طرف سے محمد وسیم علی تین رنز بنا کر نمایاں رہے، تیسرے میچ میں آرمی نے پولیس کو یکطرفہ مقابلے کے بعد 0-22 سے زیر کیا ۔