الیجینڈرو ٹیبیلو الواریزنے پہلی مرتبہ میلورکا اوپن ٹینس ٹورنامنٹ جیت لیا

میڈرڈ ۔1جولائی (اے پی پی):چلی کے ٹینس کھلاڑی الیجینڈرو ٹیبیلو الواریز اے ٹی پی میلورکا اوپن ٹینس ٹورنامنٹ کا مینز سنگلز ٹائٹل جیت لیا۔ چلی کے ٹینس کھلاڑی الیجینڈرو ٹیبیلو الواریز نے مردوں کے سنگلز مقابلوں کے فائنل میچ میں حریف آسٹریا کے ٹینس کھلاڑی سیباسٹین آفنر کو شکست دے کر پہلی مرتبہ اے ٹی پی ٹائٹل اپنے نام کرلیا، یوں وہ گراس کورٹ ٹائٹل جیتنے والے پہلے چلی کے کھلاڑی بن گئے ۔

سپین کے جنوب مغرب کے شہر سانتا پونسا کے گراس کورٹ پر جاری اے ٹی پی ایونٹ میں کھیلے گئے مردوں کے سنگلز مقابلوں کے فائنل رائونڈ میچ میں چلی کے ٹینس کھلاڑی الیجینڈرو ٹیبیلو الواریز نے عمدہ کارکردگی کا مظاہرہ کرتے ہوئے حریف حریف آسٹریا کے ٹینس کھلاڑی سیباسٹین آفنر کو سٹریٹ سیٹس میں 3-6 اور 4-6 سے شکست دے کر ٹورنامنٹ جیت لیا۔ اس فتح کے ساتھ ہی چلی کے فاتح کھلاڑی مردوں کے سنگلز مقابلوں کی عالمی رینکنگ میں کیریئر کی اعلیٰ 19 ویں پوزیشن پر پہنچ گے، 19 سالوں میں پہلی بار چلی کے دو کھلاڑی ٹاپ 20 کھلاڑی شامل ہوگئے ہیں ، چلی کے ٹینس کھلاڑی الیجینڈرو ٹیبیلو الواریز کے بعد نکولس جیری دوسرے ہیں۔