اسلام آباد۔13اگست (اے پی پی):ملک سے گوشت اورگوشت سے بنی مصنوعات کی برآمدات میں گزشتہ مالی سال کے دوران سالانہ بنیادوں پرنمایاں اضافہ ریکارڈکیاگیاہے۔
پاکستان بیوروبرائے شماریات اورسٹیٹ بینک کی جانب سے اس حوالہ سے جاری کردہ اعدادوشمارکے مطابق مالی سال 2024 میں گوشت اورگوشت سے بنی مصنوعات کی برآمدات سے ملک کو521.52 ملین ڈالرزرمبادلہ حاصل ہواجومالی سال 2023 کے مقابلہ میں 34.37 فیصدزیادہ ہے، مالی سال 2023 میں گوشت اورگوشت سے بنی مصنوعات کی برآمدات سے ملک کو388.10 ملین ڈالرزرمبادلہ حاصل ہواتھا۔
جون 2024 میں گوشت اورگوشت سے بنی مصنوعات کی برآمدات کاحجم 31.67 ملین ڈالرریکارڈکیاگیا جومئی میں 46.30 ملین ڈالراورگزشتہ سال جون میں 39.56 ملین ڈالرتھا۔واضح رہے کہ مالی سال 2024 میں اشیائے خوراک کی مجموعی برآمدات کاحجم 7.082 ارب ڈالرریکارڈکیاگیاہے جومالی سال 2023 میں 4.737 ارب ڈالرتھا۔
