ویلنگٹن۔17دسمبر (اے پی پی):نیوزی لینڈ اور آسٹریلیا کی خواتین ٹیموں کے درمیان تین ون ڈے میچوں پر مشتمل سیریز کا پہلا میچ 19 دسمبر کو بیسن ریزرو، ویلنگٹن کے مقام پر کھیلا جائے گا۔ آسٹریلیا کی خواتین ٹیم ان دنوں نیوزی لینڈ کے دورہ پر ہے جہاں وہ میزبان نیوزی لینڈ کی خواتین ٹیم کے خلاف تین ایک روزہ بین الاقوامی میچوں کی سیریز کھیلے گی۔
دونوں ٹیموں کے درمیان تین ون ڈے میچوں کی سیریز آئی سی سی چیمپئن شپ ہوگی ۔آسٹریلوی ویمنز ٹیم کو الیسا ہیلی لیڈ کریں گی جبکہ میزبان نیوزی لینڈ کی خواتین ٹیم سوفی ڈیوائن کی زیرقیادت میدان میں اترے گی۔
دونوں ٹیموں کے درمیان تین ون ڈے میچوں کی سیریز کا دوسرا میچ 21 دسمبر کو کھیلا جائے گا جبکہ تیسرا اور آخری ون ڈے میچ 23 دسمبر کو کھیلا جائے گا۔سیریز کے تینوں ون ڈے میچز بیسن ریزرو، ویلنگٹن میں ہی کھیلے جائیں گے ۔
