ریاض۔8فروری (اے پی پی):رابطہ عالم اسلامی کے سیکرٹری جنرل اور چیئرمین مسلم علما کونسل شیخ ڈاکٹر محمد العیسی نے گنی بساؤ کے سٹیڈیم میں مغربی افریقہ کے سب سے بڑے قرآنی مقابلے ’تیجان النور‘ کا افتتاح کیا ہے۔ عرب نیوز کے مطابق جمہوریہ گنی بساؤ کے صدر عمارو سیسوکو امبالو کی سرپرستی میں ہونے والے قرآن کے مقابلے کا افتتاح رابطہ عالم اسلامی کے سیکرٹری جنرل اور چیئرمین مسلم علما کونسل کیا ۔
شیخ ڈاکٹر محمد العیسی نے حفظ القرآن کی حوصلہ افزائی اورشرکا کے سماجی کردار کے فروغ میں اس طرح کے مقابلوں کی اہمیت اجاگر کی۔گنی بساو کے صدر نے رابطہ عالم اسلامی کے سیکرٹری جنرل کو مذہبی سفارتکاری میں ان کی کوششوں کے ساتھ امن اور بین الاقوامی تعاون کو فروغ دینے پر ملک کے سب سے بڑے اعزاز سے بھی نوازا ہے۔
واضح رہے کہ یہ مقابلہ مغربی افریقہ کا سب سے نمایاں ایونٹ ہے، اس مں تلاوت قرآن پاک، امام ، استاد کی قابلیت اور تلاوت کی اصلاح کے تربیتی کورسز شامل ہیں۔
Short Link: https://urdu.app.com.pk/urdu/?p=557367
